Fendo Orella 101.8 FM


Comunicau debant d’a liberación de “Franki”
Desembre 3, 2010, 11:20 pm
Filed under: Internacional, Internacionalismo, Social, Solidaridat | Etiquetes: , , ,

O martes 23 de noviembre de 2010 Franki remató o cumplimiento d’a condena de 2 anyos y 7 meses de garchola por o caso d’o “sinyal”.

Franki, un conoixiu activista d’as luitas socials de Terrassa como a okupación, l’antifaixismo, a luita contra a represión y por a libertat d’os y as presas y asinas-asinas, estió chudgau y condenau en 2004 por haber crebau o sinyal espanyol d’o balcón d’o concello de Terrassa y haber causau desordens y agrediu a 4 achents d’a policía municipal. Una acusación que no se podió demostrar en garra momento d’o chuicio debiu a la inexistencia de prebas. Manimenos, o chuez Enrique Rovira del Canto, antigo fiscal militar mientres a dictadura y puyau ta l’Audiencia Provincial de Barcelona dezaga d’o chuicio, lo condenó amostrando o suyo talant fosco y represivo de tiempos ya pasaus (u no pas tanto). Y demostrando a clara intencionalidat politica d’o chuicio y a condena, que no ye atra que a de reprimir a todas as personas que luitan por denunciar y abolir as desigualdatz y miseria que chenera o sistema capitalista en o que i vivimos y sufrimos.

A sentencia estió recurrida en l’Audiencia Provincial de Barcelona, que la refusó en 2005. Ixe mesmo anyo o concello de Terrassa y diversas personas y entidatz demandón un indulto y paralelament se presentó recurso t’o Tribunal Constitucional. En 2006 denegón l’indulto y en 2008 refusón o recurso.

Mientres istas anyadas as campanyas de denuncia en a carrera d’o “caso d’o sinyal”, organizadas por Solidaridad Antirepressiva de Terrassa y varias asambleas, colectivos y personas, chenerón una gran ola de solidaridat que chunto con a luita chudicial consiguión aturar l’engarcholamiento dica dos vegadas. Pero a la fin, en o cabo d’abril de 2008 Franki estió deteniu sin previo aviso y engarcholau, primer en a garchola Modelo de Barcelona y dimpués en a garchola de Brians 2.

A gran rispuesta que se dio en contra de l’engarcholamiento fació que se le concedese o 3er grau muit luego, pero no podió consiguir a libertat total ni que se reconoixese o caracter politico d’a condena y engarcholamiento tal y como demandaba a campanya y a luita en a carrera. Asinas pues, Franki, continó a condena de prisión en rechimen de 3er grau en a garchola Modelo de Barcelona, habendo d’estar en prisión de 8 a 10 horas  dende a tardi y nueit, de domingo a chueves. En ista situación i estió dende metat de chunio de 2008 dica metat de chenero de 2010 quan se le aplicó a libertat condicional, habendo d’ir a sinyar cada mes y sin poder abandonar o país, dica que iste martes 23 de noviembre ha rematau de raso o cumplimiento d’a sentencia, d’a que encara en quedarán 3 anyos ta cancelar os suyos antecedents.

Dende Solidaridad Antirepressiva de Terrassa le damos a bienplegada a Franki y o suyo regreso t’a libertat completa (u quasi) y agradeixemos a suya firmeza mientres o cumplimiento d’a sentencia y o feito de que nunca no haiga deixau de luitar mientres tot o cumplimiento d’ista.

Y ta rematar o comunicau, pero nunca a luita, no lo querebanos rematar sin agradeixer tot o refirme y a solidaridat que n’hemos recibiu mientres tot o tiempo que ha durau a campanya por a libertat de Franki por part de todas as personas, colectivos y entidatz d’os movimientos socials de Terrassa, y tamién, prou que sí, de toda a chent d’atros lugars y villas, d’organizacions antirrepresivas, asambleas d’okupas, asambleas de chovens, centros y ateneus, centros socials, de l’ambito libertario, autonomo, independentista, y un luengo etcetera que sería imposible de refleixar de tot.

Nunca no podremos ixublidar que gracias a l’esfuerzo de todas adubimos aturar l’engarcholamiento dica dos vegadas, que se fación charradas por todas partz, que se realizón cients d’accions, actos, concentracions, … que gracias a todas faciemos que o nuestro companyero nunca no estase solenco, y o más important ye que s’amostró una unión y una organización que consiguió meter contra as cuerdas a os nuestros enemigos chueces y politicos en varias ocasions y que fació que amostraran a suya verdadera cara de represors, violents y mentirosos.

Quedó bien clara a nuestra fuerza y a conciencia de que nunca no nos ferán creyer, nunca no nos podrán callar, por muito que nos agredan, desaloixen, detengan, nos chudguen u mesmo nos engarcholen l’unico que consiguirán será que nos tornemos encara con más fuerza y que nos amanemos cada vegada más a o diya en que veyeremos cayer o sistema capitalista y l’abolición d’as inchusticias, miserias y desigualdatz que en chenera. Dica que plegue o nuestro diya, o de todas as oprimidas, a luita ye y será l’unico camín.

Solidaridad Antirepressiva de Terrassa. Noviembre 2010

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: