Fendo Orella 101.8 FM


Ye “antisistema” o sistema? L’intresant caso d’o prisionero Rodrigo Lanza
gener 21, 2011, 5:15 pm
Filed under: Social, Solidaridat | Etiquetes:

Cada vegada se fabla más d’os “antisistema”. Os meyos de comunicación, os parlaches politicos dominants y agora ya a mayoría social fablan de contino d’ells –“os antisistema”– ta referir-se a individuos u colectivos con una periglosidat que se da por supuesta y debant d’os que s’exichen accions d’encorrer y de castigo urchents. Pero l’aparatero ye que dengún no se ye prenendo a molestia de deixar claro en qué consiste estar “antisistema” y nian contra qué sistema se ye.

Imos a descartar que ixe sistema enrestiu por os antisistema siga o sistema metrico decimal u o sistema solar. Tamién ye d’asperar que tampoco no siga o capitalista, ya que isto convertiría d’oficio en tal cosa a toda a cucha con pretensions de transformación social. Yo mesmo me sentiría argüelloso, digamos, de que Jordi Borja se refirise a yo como eixemplo de “critico antisistema” en o suyo zaguero libro. Pero o que s’espunta ye, más bien, que contra o que son os antisistema ye contra o sistema democratico, d’o que s’esvarraría a suya reputación d’antisocials y violents.

Estoi que debemos estar prous os que pensamos que dezaga d’ixa nueva denominación d’orichen –“antisistema”– s’aparenta una etiqueta destinada a estar aplicada a la disidencia politica radical en cheneral, ye decir a totz ixos que s’atriven a impugnar frontalment un orden politico, social y economico –un sistema, en efecto– fundau en a inchusticia y a explotación. Ye en ixe sentiu que, pro a fes, no tiengo garra inconvenient en reconoixer-me como antisistema, ya que me fería goyo de creyer que contribuyo a abolir un estau de cosas que d’a suya reforma no i creigo.

O problema ye quan a vocación criminalizadora con que se ye aplicando ixa noción de “antisistema” consigue os suyos obchectivos y fa que un simple producto d’a fantasía mediatica y de l’instinto d’encorrer de gubiernos y mayorías, imposible de definir y aplicau de traza arbitraria, remate convertindo-se en una figura obchectiva y finalment en un delito. Ye decir, un caso claro d’o que os antropologos decimos “eficacia simbolica”, ixe mecanismo que fa que una entidat dica cierto inte de raso imachinaria, a pur de prener-la por real, remate convertindo-se en real.

Un eixemplo de dica qué punto ixo ye cierto ya agora y aquí, lo tenemos en l’eloqüent caso de Rodrigo Lanza Huidobro, estudiant en a mía facultat, engarcholau en iste momento en a garchola de Quatre Camins.Rodrigo Lanza estió deteniu, acusau y condemnau en relación a os desgraciaus incidents que en a nueit d’o 4 de febrero de 2006, en o vico d’a Ribera, rematoron con un policía municipal graument nafrau. Rodrigo estió sentenciau en primeras a quatro anyos y seis meses de garchola, pena que fue puyada por o Tribunal Supremo a cinco anyos. Dimpués de pasar dos anyos de prisión provisional, tornó a ingresar-ie fa chusto un anyo y ye cumplindo condemna en iste momento. A sentencia ye redactada y executando-se y en internet se pueden trobar-ie as denuncias de familiars y amigos sobre as irregularidatz d’o proceso, asinas como o pronunciamiento a o respective d’Amnistía Internacional. Cosa que adhibir a o respective.

D’o que se tracta ye d’a situación actual de Rodrigo en a garchola. L’atro diya vinioron a visitar-me a o mío estudiet uns alumnos míos ta dar-me treslau de que se le yeran negando a o mesache avantallas penitenciarias a las que pareixería tener dreito. Os terminos d’ixa situación son descritos en una carta ubierta d’a mai de Rodrigo, que se puede leyer en http://absoluciondetenidos4f.blogspot.com/

Pero de tot o que me explicanicoron i habió bella cosa que me deixó especialment inquieto. Ha de viyer con a traza como, tal y como apuntaba antis, un atributo tan nublo como “antisistema” ha rematau por convirtir-se en qualcosa obchectivable mesmo t’a propia administración de chusticia, que puede considerar que no nomás “fer cosas antisistema” ye castigable, soque mesmo en ye nomás pensar-las. Se tracta de l’auto d’o que m’amuestran una copia y meyant o que, con calendata 18 d’octubre de 2010, a sección 21ª de l’Audiencia Provincial de Barcelona refusa, a instancias d’o fiscal, a concesión d’un permiso a o que se suposa que Rodrigo tendría dreito ta salir-ne a treballar de lunes a viernes y que o chudgau de veixilancia penitenciaria habría concediu en una primer instancia.

O que inquieta son os razonamientos churidicos d’a decisión. Uno ye que o preso s’encerrine en sostener a suya inocencia, o que ye de tot lechitimo. L’atro –y ixe ye o que resulta en especial chocant– ye que de Rodrigo se diga que “se tracta d’un individuo d’ideolochía anti-sistema en cheneral”. Y encara piyor: ixe “diagnostico”, afirma a chueza, ye o que se desprende de “os informes d’o churista, d’o psicologo y d’a educadora social”. Totz d’acuerdo: Rodrigo tien una ideolochía que dengún no sabe en qué consiste, pero que fa d’ell, y por ixo, un ser humano que mereixe un plus de castigo.

Me pa que habríanos totz de quedar-nos muit alticamaus debant d’o feito de que una autoridat chudicial alazete una decisión denegatoria y uns expertos os suyos peritaches ta ixo en que belún tienga en o suyo tozuelo ciertas ideyas –y siempre sin que se nos aclare qualas son ixas ideyas–, dando a entender que si no las tenese obtendría o que demanda. Y tot ixo en un sistema politico que presume estar garant de dreitos tan alazetals como o d’a libertat ideolochica que consagran l’Articlo 14 d’a Constitución espanyola y o 18 d’a Declaración Universal d’os Dreitos Humanos.

Debant d’ixa evidencia cal preguntar-se en quí son realmente os famosos “antisistema”. Si ixe sistema que os antisistema tan graument menazan u desprecian estase o d’as libertatz publicas alcaso no deberíanos buscar-los entre quí carranyaus a vegadas expresan a suya rabia de traza inmoderada en as carreras, soque en quí sinyalan con o dido y marcan con una cruz en a espalda a tot o que s’atriva a criticar precisament a perda de libertatz y dreitos. Si en iste país y en iste mundo belún vulnera y subvierte o viello prochecto politico d’a modernidat, alazetau en as valuras d’igualdat y libertat, son quí se presentan a sí mesmos como a suya encarnación y salvaguarda. Ye o dito “sistema” o que, hue, más nos aleixa d’o que un diya estase o suenio d’una sociedat verdaderament democratica.

Ixa, y no pas atra, ye a moraleha de l’intresant caso d’o prisionero Rodrigo Lanza.

Manuel Delgado Ruiz  http://manueldelgadoruiz.blogspot.com

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: