Fendo Orella 101.8 FM


Apatía programada
febrer 14, 2011, 10:50 am
Filed under: Social | Etiquetes: ,

No sé si a intención d’os Meyos de Comunicación ye a de foter-nos a una revuelta popular u t’o desencanto y a inacción total. Pero agora que tenemos tanta información -dende os claus d’o Wikileaks informando de torturas y manullos por dillá y por aquí, dica os chornals y pensions d’os expresidents-, viyendo as reaccions -y más que más os meyos d’os que proceden a información-, uno se decanta por pensar que tanta información busca más l’apatía que a rebeldía.

En o caso d’os expresidents cuesta de fer-se a o que suposa ganar 80.000 euros a l’anyo -más auto oficial, escolta, estudiet…- por haber estau uns anyos de president. Qué decir d’o que suposa cobrar 100.000 u mesmo 200.000 mil euros l’anyo por participar en un parell de reunions. O caso ye que son sinyors que ganan ixas cantidatz os que gubiernan os nuestros chornals, as nuestras pensions, os nuestros dreitos. Lo d’Aznar ye penible, ya en sabemos, pero lo de Felipe Gonzalez ye de timador profesional porque amás se las da d’estar de cuchas y -como buen encantador de cullebretas- va por astí prebando de chustificar toda ista historia. Pero uno estudea os antecedents y se troba con que os dos facioron creyer a muitos o bueno que yera privatizar interpresas como Endesa u Gas Natural y agora vienen a demostrar que, efectivament, asinas en yera. Yera buenismo t’os suyos intreses particulars.

Con istos antecedents, uno no puede que asperar viyer aintro d’uns anyos a Zapatero cobrando un chornal inpreixinable por asesorar plans de pensions privaus, a os que tanto beneficia a suya reforma, u en bella d’as “supercaixas” reconvertidas en bancos.

Pero tot isto rai, quan uno se troba una montanya de suciedat resulta imposible creyer que se podrá eliminar bell diya. Y encara que siga ixa suciedat a que prevoca realment os retalles de dreitos socials, qué importa, alcaso podemos fer cosa?

Podríanos pensar que no, pero no sería de más, a lo menos, remerar que frent a la manca d’etica y de escruplos d’Aznar y Gonzalez estió a honradez critica y cargada de prochectos d’Anguita y, d’a mesma traza, podemos cayer en a cuenta de que, frent a la anglucia sin fin d’os bancos, s’apuntan como buenas opcions un parell d’entidatz de banca etica y, si m’apuran, d’a “no banca” (verdat, Juan?); frent a la manca d’emplego programada, o decreiximiento; frent a las guerras inhumanas, a lo menos, a rebeldía en a carrera; frent a un “irremeyable” cambeo climatico, a militancia ecolochica, frent a Davos, Dakar, frent a os “mass media” que buscan a nuestra apatía, os meyos alternativos que buscan o nuestro esmo critico, y frent a o retalle de dreitos, pues ixo, a rebeldía en a carrera, a militancia, l’esmo critico y -¿por qué no soniar-lo?- a refundación de Cucha Unida.

Javier Rodriguez ta www.rebelion.org

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: