Fendo Orella 101.8 FM


Rodrigo Lanza: “Siempre chunto a vustés, siempre libre”
febrer 14, 2011, 11:00 am
Filed under: Okupacion, Social, Solidaridat | Etiquetes: ,

“Siempre chunto a vustés, siempre libre”, con istas parolas de Rodrigo Lanza leítas por Mariana (su mai) remataba a manifestación (d’o diya 5 de febrero) que ha rematau fa radius minutos  en Zaragoza ta exichir a suya libertat decamín.

A manifestación, que i ha arroclau a más de 400 personas de todas as edatz, ha transcorriu por as carreras d’o centro d’a capital. En tot momento Rodrigo yera present en a memoria colectiva d’os y d’as manifestants. Una presencia que se fa sentir diya sin atro en todas y totz.

A solidaridat con o companyero, as muestras de refirme y carinyo enta Rodrigo, preso fa más d’un anyo (y tres en total) por un delito que no cometió, un delito que nunca no ha reconoixiu, s’han feito especialment visteras hue en as carreras.

Rodrigo Lanza estió torturau en comisaría en a nueit d’o 4F por os Mossos d´Esquadra, abatanau por os mass media y por as autoridatz que buscaban un culpable. O suyo unico “delito” estar immigrant, a unica preba pasar por o puesto d’os feitos.

O circo mediatico s’embotó con Rodrigo. Y dimpués de cinco anyos de calvario, cinco anyos de luita por a suya libertat, dende aintro y dende difuera de prisión, cinco anyos d’infierno t’a suya familia y amigos/as, contina o montache y a represión.

Rodrigo ha cumpliu ya más de tres anyos de condena d’un total de cinco, y encara contina preso sin permisos, sin o tercer grau, imposando-le partz disciplinarios por motivos inchustificaus… y tot isto por qué? Por a simpla razón de no reblar, de mantener-se coherent a las suyas ideyas y de no asumir un delito que no cometió.

Rodrigo contina “luitando por mantener ixa part de yo que me fa estar quí soi, ixa part de yo que fa que me faiga mal cada segundo d’encierro luen d’os/as míos/as” y chunto a Rodrigo Lanza somos luitando todas ixas personas que creyemos en un mundo más chusto.

Hue a chent ha saliu en Zaragoza, ahiere i habió muestras de solidaridat con Rodri en Salamanca, en Barcelona…

Ista ye una luita de desgaste, una luita crudel y escruixinadora, pero qualsiquier persona con una mica de sensibilidat habría de continar exichindo a libertat d’as personas presas, presas por un Estau que tracta d’acotolar l’esferent, un Estau xorrontau por a masa social organizada, un Estau que alazeta a suya esfensa en a represión.

“En ixos momentos en os que paro cuenta de que saldré d’aquí con a dignidat intacta y podré decir que a pesar d’os anyos en os que me retenioron y seqüestroron en una celda, a pesar d’a dolor y os muros que me rodian, nunca no m’han teniu”.

Rodrigo Lanza

Ara-Info Achenzia de notizias d’Aragón

Part 1 d’a carta de Rodri

Part 2 d’a carta de Rodri

 

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: