Fendo Orella 101.8 FM


Alarde de cinismo con a termica d’Andorra
febrer 19, 2011, 11:15 am
Filed under: Aragon, Ecolochía | Etiquetes: ,

A central termica d’Andorra, de carbón, ye una d’as mayors industrias contaminants de l’estau espanyol que ha trescolau granizas cantidatz de contaminants enta l’atmosfera en toda a suya historia y que ha ocasionau graus mals ambientals en o suyo entorno. Asinas mesmo ye l’emisor más important de gases d’efecto invernadero en Aragón. Manimenos o Trestallo de Meyo Ambient d’Aragón, en una gran demostración de cinismo, le ha atorgau o diploma d’excelencia ambiental.

O pasau diya 7 de febrero se fació publico que o consellero de Meyo Ambient d’o Gubierno d’Aragón, Sr. Alfredo Boné, heba atorgau o diploma de “Excelencia Ambiental”, con a suya maxima calificación, a la central termica d’Andorra-Teruel por os cambeos efectuaus en ista industria ta millorar, dillá de l’exichiu por a lei, permisiva lei, as afeccions ambientals d’a termica.

Ecolochistas en Acción considera que as milloras feitas en os sistemas de colau ta reducir as emisions de robins d’ixufre y nitrocheno no chustifican, de garra traza, que se premie publicament a una industria  que cuenta con uno d’os mayors historials de mals ambientals de l’estau espanyol. A central termica d’Andorra, seguntes os datos publicos que abarcan nomás 9 anyos, d’o 2001 a o 2009, ha emitiu ta l’atmosfera, entre atras substancias toxicas, l’aparatera cifra de 1.190.000 toneladas de robins d’ixufre y 237.000 toneladas de robins de nitrocheno. L’impacto d’istos y atros contaminants ye estau brutal en un amplo radio respective a la central, tal como quedó claro, por eixemplo, con a plevia aceta que afectó a los Puertos de Morella, en Castellón.

A mengua, que no l’ature, d’un mal ambiental no chustifica un premio, en especial quan una industria d’ista mena, que fa servir o pior combustible fosil conoixiu, o carbón, ye perfectament prescindible, tien alternativas muito millors ta producir electricidat y amás amenista subvencions y decretos-lei ta poder continar funcionando.

Asinas mesmo ye de destacar que a central termica d’Andorra ye estada, y contina estando, a principal industria emisora de gases d’efecto hibernadero en Aragón. D’o 2001 a o 2009 emitió 53 millons de toneladas de CO2 , emitindo, en un anyo “normal” , uns 6 millons de toneladas de CO2 , si fa u no fa un 27 % d’as emisions aragonesas en un anyo. Parando cuenta que a luita internacional contra o cambeo climatico
ye luen d’estar satisfactoria y que o problema d’o calentamiento global d’o clima  ye cada vegada más grau ye tot un sarcasmo que o Trestallo de Meyo Ambient conceda a “Excelencia Ambiental” a ista termica que emite quasi tres vegadas más CO2 por megawatio hora produciu que, por eixemplo, una central termica de ciclo combinau a gas. A excelencia ambiental en a central termica d’Andorra nomás se consiguirá o diya en que ista tranque de raso.

Ecolochistas en Acción considera de tot penible a politica que sigue o Trestallo de Meyo Ambient aragonés, un trestallo caracterizau por estar un “trusquetot” y que no nomás permite toda mena d’esferras ambientals, como as que comete ARAMÓN en as montanyas aragonesas, soque que amás se fa burla de l’esmo ambiental d’os ciudadanos con diplomas como o concediu a la termica andorrana.

Ecologistas en Acción

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: