Fendo Orella 101.8 FM


Hetz sentiu fablar de nusatros mil vegadas…
febrer 20, 2011, 11:01 am
Filed under: Social | Etiquetes: ,

Texto apareixiu fa bell tiempo en o metro de Madrit en una acción de guerrilla de comunicación:

Hetz sentiu fablar de nusatros mil vegadas…

…quasi todas sin alazet. Hetz visto as nuestras frases en os muros y ixa A aintro d’un rolde que tan poco tos diz a vusatros y tanto nos diz a nusatros. Nos hetz visto mesmo en a tele, pero o que no rematatz d’entender ye que nos veigatz cada diya, en a carrera, en o metro, en clase, y mesmo en o treballo. Que somos chent corrient con carne y uesos. Que somos os vuestros fillos, os vuestros vecins, que tos conoixemos.
Y sabemos que tamién a vusatros tos hiba quan suena o rebel. Y no nos creyemos que sigatz felices asinas, entre o treballo y o centro comercial, siempre azagando y pensando en a venient merca, viyendo pasar a vida entre mercancías que en o fundo –reconoixetz-lo- no saben a cosa.

O que no entendemos ye que vivatz como si cosa, como si tot estase bien, sin masiadas permenaduras dillá d’o purament economico. Como si tos aconortasetz con ixa vasuera que nos han vendiu, como si no estasetz capables de concebir cosa millor, como si tos sentisetz bien entre o plastico y o formigón. En ixo somos esferents, nusatros odiamos tot isto, no nos atrayen o más minimo as multiplas referencias d’o catalogo en que han convertiu as ciudatz. Nos sabe a mierda, ye imposible que a vida siga isto, porque isto no ye vida. Isto ye pasar o tiempo sin pena ni groria. Nusatros asumimos as penas que pueda trayer-nos a busqueda d’a groria, a o que no somos disposaus ye a fer-nos viellos en ringlera d’uno fito-fito a una caixa rechistradora que nos administre un trocet de muerte con cada ticket.

Nusatros tenemos sangre en as venas, cosa rariza en os nuestros diyas, y por ixo esclatamos y reaccionamos de trazas extranias ta vusatros: ploramos, chilamos, corremos, estricallamos. Y seríanos capables d’aparentar y fer como si cosa y no ficar-nos en empandullos, pero nos fería vergonya. Qui diga que o mundo va bien, u ye fato u ye un enatizo; asinas de simple.
Qui diga que no puede fer cosa a o respective, u no tien imachinación u no tien intrés, y o demás son sincusas. Nusatros ya somos fartos, asinas que nos trobaretz por astí, fendo o posible ta hibar iste macabro decorau que nomás amaga miseria y esferra.

Salut y anarquía…

Garra diya sin anarquía. Totz/todas t’a carrera

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: