Fendo Orella 101.8 FM


Diego Cañamero en busca y captura
Març 9, 2011, 9:05 am
Filed under: Internacional, Social | Etiquetes: ,

Dende iste sabado Diego Cañamero se troba en situacion de “busca y captura” por no haber-se presentau o 18 de febrero a un chuicio por os piquetz informativos d’a vada cheneral d’o 29-S. En iste articlo, una integrant d’o Sindicato Andaluz de los Trabajadores explica os motivos que han levau a ista organizacion enta la “insemision chudicial”

O Sindicato Andaluz de Trabajadores (SAT), hereu d’a tradicion de luita d’o Sindicato de Obreros del Campo, pate huei una fura represion en a suya faina sindical como fan veyer istas cifras a traza d’eixemplo: 400.000 euros en pinyoras, fianzas y sancions; 350 militants obrers procesaus u pinyoraus y demandas de garchola que puyan a 41 anyadas y 9 meses.

Sabemos que ista puyada d’a represion por parti d’os poders publicos a travies d’a sancion penal, no ye nomas contra o SAT sino que responde a una estratechia d’aplicacion d’o dreito excepcional a os colectivos disidents con l’orden socioeconomico.

O poder fa siempre a represion contra comportamientos que se prenen como periglosos ta l’orden social vichent con esferents ferramientas: sistemas familiars, educativos, laborals, culturals, relichiosos. Quan istos mecanismos no fan honra y o subchecto “rebelde” contina estando un periglo ta l’orden social s’aplica o “ius puniendi” o dreito penal sancionador, con a fin de disuadir a o subchecto en a suya conducta y castigar-le en pos d’esfender a pacifica convivencia ciudadana y as libertatz civils.

Pero, ¿qui son istos enemigos de l’orden social? Historicament siempre n’han existiu d’enemigos de l’orden imperant, que han recibiu un tracto excepcional por parti d’o dreito penal alazetau en a suya periglosidat. En l’Estau espanyol: moriscos, chodigos, chitans u anarquistas. En l’actualidat, istos enemigos de l’Estau son mas que mas as personas inmigrants y o terrorismo. Iste zaguer concepto, seguntes a interpretacion extensiva d’o poder, arrocla la disidencia politica y qualsiquier traza de contestacion a o sistema socioeconomico. Ista excepcionalidat en l’aplicacion d’o dreito penal se traduce en a suspension de guarancias procesals y desproporcion en l’aplicacion d’as penas.

A represion contra la faina sindical d’o SAT cumple os rasgos caracteristicos d’a teoria d’o Dreito Penal de l’Enemigo: adebantamiento d’a punibilidat, penas desproporcionadas respecto d’o Dreito Penal normal, relaixacion u supresion de bells guarancias procesals individuals…

Adebantamiento d’a punibilidat: como mas recient eixemplo d’ista practica podrianos citar o viede d’as concentracions y manifestacions convocadas por o SAT en Sevilla o 27 de chenero en protesta por l’aprebacion d’a reforma d’o sistema de pensions.

Penas desproporcionadas respecto d’o Dreito Penal normal: ye comun t’o SAT que accions de protesta como ocupacion de fincas u concentracions en a via publica rematen con demandas de garchola por parti d’os tribunals encara que en o desenvolic d’istas accions no s’haigan produciu danyos ni contra las personas ni contra os biens. A pena de privacion de libertat, maxima pena en l’ordenamiento churidico, contina estando a respuesta d’o poder chudicial.

Relaixacion u supresion de bellas guarancias procesals individuals.

Todas istas enrestidas y maltracto policial y chudicial contra las protestas no violentas contra l’ature y a miseria en Andalucia se fa tot violando dia par d’atro o dreito a o treballo de mas d’un millon de personas y o dreito a unas condicions laborals y de vida dignas de muitos millons mas.

Como respuesta a istos montaches policials y chudicials, a enrestida y a represion o Comité Nacional d’o SAT ha decidiu d’encetar una campanya pacifica de desobediencia civil ta no acudir ta mas chuicios farsa mientres no rematen as enrestidas contra o sindicato. Conscients d’o pre a bosar por ista desobediencia, y a privacion de libertat que puet suposar ta muitos militants, son prestos ta desenvolicar ista insemision. A suya fin ye fer vistera ista maquinaria represiva de l’Estau que castiga a qui no reblan debant d’o miedo que preban d’imposar y que continan luitando por un mundo incluyent y mas chusto do a vida digna de totz y todas siga posible.

Por Pastori Filigrana, militant d’o SAT.

http://andaluciaproletaria.blogspot.com/2011/03/diego-canamero-en-busca-y-captura.html

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: