Fendo Orella 101.8 FM


Y si legalizasen a tortura?
Març 13, 2011, 10:32 pm
Filed under: Internacional, Internacionalismo, Social | Etiquetes: ,

Situacions como as d’ahiere levan a preguntar-se por qué l’Estau espanyol no legaliza d’una vegada a tortura a os ciudadanos bascos, por lei, como Israel por eixemplo. Ta prencipiar, os suyos guardias civils y policías no habrían de posar-se en a cadiera de cabo ta quan (muit de cabo ta quan). En istos casos, o suyo ministro de l’Interior no quedaría en evidencia dos vegadas: por mentir primero y por callar dimpués, por eixemplo dimpués d’a condena d’o «caso Portu-Sarasola». Y, por cierto, os diputaus bascos u nomás progresistas tampoco no quedarían mal por no haber teniu cosa a decir-le a o respective dende o mes d’aviento.

O suyo gubierno no debería dar explicacions periodicas sobre casos concretos a o Relator d’a ONU u a o Comité Europeu de Prevención de’a Tortura. Y Amnistía Internacional u Human Rights Watch no deberían interpelar-le en os suyos informes por a contradicción entre a lei y a practica.

No caldrían forenses que decisen que no viyoron cosa rara a Gurutze Iantzi antis de morir, que Unai Romano teneba a cara asinas porque se fotió con una puerta, u que o testigo protechiu d’o «caso Lasa-Zabala» se cremó a sí mesmo con fumarros por tot lo cuerpo y s’esgarró l’esfincter ta aparentar que l’heban violau. No s’amenistarían fiscals que lo den por bueno. Ni chueces que archiven os casos sin investigar cosa, mesmo a riesgo de que Estrasburgo les tire d’as orellas, como en o caso de Mikel San Argimiro. No se precisarían advogaus d’oficio que uellen ta atro costau, ni caldría desprestichiar a qui sí se comporten como profesionals, como o letrau de Xabier Atristain.

Tampoco no i habría necesidat de meyos de difusión que amaguen os relatos u, más absurdo encara, los reduzcan a meya columna (no se lo creyen u no les pareixe grau?) Y, ya de paso, garra persona con sentiu critico habría de preguntar-se cómo ye posible que os bascos lo cuenten tot en comisaría voluntariament y atros crimens tanto u más graus qui los aclare siga Ana Rosa Quintana.

Ramón Sola, Gara

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: