Fendo Orella 101.8 FM


Sobre a violencia con fins politicas
Març 14, 2011, 2:00 pm
Filed under: Cultura, Internacional, Social

por Floren Aoiz. Historiador y politico

Íste d’a violencia politica ye un debat embolicau. Ye pleno de hipocresía, tabúes y topicos, pero antimás cal parar cuenta en que se persiguen opinions que no comulgan con o pensamiento unico.

Y o más curioso ye que ixe pensamiento unico imposau por o nacionalismo espanyol se alazeta en una luenga trachectoria de derramamiento de sangre con fins politicas. Pocos pueden alabar-sen d’haber levau a horror ta tantos continets como os espanyols. Acotolador de luengas y culturas, expoliador de recursos naturals, aniquilador d’a tierra, xenofobo, racista, autoritario, masclista, l’imperio espanyol yera un mundo inmenso an que nunca no se deixaba de torturar, violar, asesinar y furtar en nombre d’Espanya.

Por más que os revisionistas espanyolistas miren d’amagar ista realidat historica con a denuncia d’una suposada “leyenda negra”, nunca no han estau capables de fer una reflexión madura y valient sobre a historia. D’astí que dende a negación d’os chenocidios contra chodigos, musulmans y indichenas y, lo que nos resulta muito más amán, a impunidad de tot d’os asesins y demás criminals d’o franquismo pretendan convencer-nos d’o malo que ye o nacionalismo vasco y o inaceptable d’a violencia d’ETA.

Sobre ixa vergüenyosa impunidat y sobre tantas atras, como a d’os asesinos d’o 3 de marzo de 1976 en Gasteiz u de Montejurra en mayo d’ixe mesmo anyo, s’ha bastiu a “democracia espanyola” que nos da leccions d’etica. Hipocritas que estreitón as mans d’os franquistas indultan, condecoran y aplauden a torturadors y consideran victimas d’o terrorismo a fastiosos personaches d’o tarabidau franquista, dende Carrero Blanco a Melitón Manzanas.

Bi’n ha qui ha plegau a escribir y decir que qualsiquier obchectivo politico queda deslechitimau si s’esfiende con violencia. De seguras os luitadors d’a resistencia francesa, qui s’enfrontinón arma en a man a o trafico d’esclavos, os soldaus que van liberar Berlín a tiro limpio u qui prenión A Bastilla serían encantaus d’ascuitar semellans necedatz.

Ye posible que os “pacifistas” consideren que todas istas luitas yeran indignas y por tanto los suyos logros, a caita d’a monarquía absolutista en Francia, a fin d’o trafico d’esclavos u a caita d’o nazismo han quedau contaminaus por l’emplego d’a violencia.

Pero sobre tot ye probable que no tiengan garra problema en asumir que as policías “se veyen obligadas a intervenir” ninviando ta l’espital a ciudadanos que protestan pacificament u que ye lechitimo y mesmo humanitario ninviar exercitos a ocupar países. Muitos aplauden detencions que rematan con gravismas denuncias de torturas debant las que nunca no’n tienen mica a decir.

S’ha rematau un ciclo d’a historia d’iste país. Pero a violencia d’os estaus i contina y son muitos os disposaus a chustificar-la esfrazaus de pacifistas.

Cal remerar-lo quan se’n fan 30 anyos d’os crimens de Gasteiz, porque nunca no hemos d’ixublidar os crimens feitos contra o nuestro pueblo.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: