Fendo Orella 101.8 FM


¿Quiers un CD de Dixebra?
Abril 1, 2011, 2:51 pm
Filed under: Aragon, Cultura, Internacional, Luenga, Mosica, Radio Topo | Etiquetes: , , ,

¿Quiers un CD de Dixebra?

Te proposamos un chuego, participa-ie y fe-te con ell!

Escribe un comentario en o nuestro blog fendoorella.wordpress.com (pillamos amprau o formato 4:20 de l’amigo Purnas) baixo l’amplo bateauguas d’o títol “Baila la crisi” y fer-lo como quieras (poesía, relato breu, mazada, línias, parolas…) pero remera, has de respectar o títol y adequar-le o conteniu de l’escrito.

O lunes 18 d’abril ascuitaremos o CD en o nuestro programa (lunes de 18 a 19 horas en Radio Topo 101.8 FM) y bi leyeremos o post d’o ganador u ganadera. A la tisba con as vuestras radios en o 101.8 FM zaragozano u por o rete en iste vinclo.

Se tracta d’un CD clamau “Bailla la crisis” y que bi reculle cinco cantas: «Más que dos» (inedita, con una letra adaptada d’un poema de Mario Benedetti), «Yá cansé» (tamién inedita), «Gaiteru» (versión que nomás apareixió en un disco d’homenache a la colla gallega Os Diplomáticos), «Duérmite, neñu» (remezcla etnotechno) y «Pal Caribe» (un atra remezcla).

Suerte!

Advertisements

7 comentaris so far
Deixa un comentari

Heba una vez un lugar menazau de muerte por un entibo.
Heba una vez una crisi economica.
Heba una vez una chent d’un lugar que yera menazau de muerte por un entibo que bailó y celebró a crisi que sucó los diners de l’entibo que les menazaba y que no podió fer-se realidat.

Comentari per Yesa NO

Ahiere torné d’as mías vacanzas en un reactor nucleyar. I feba sol y buen orache, tot pleno de chent fendo a riseta y bebendo daikiris. Iste maitín m’he dispertau con un brazo más pero rai, asinas me puedo gratar millor as mías cinco orellas.

Comentari per Chomer

¿Bailar? Pero cómo, ¡con ista crisi no bi ha qui baile! ¡Qui va bailar si no ye feliz! Mai me diz que no me’n faiga por a crisi, que treballaré quan haiga de treballar, que tot vivindo ells a yo nunca no m’ha de mancar ni zarrapita. Pero ixo no ye verdat, no con ista crisi. En a interpresa de pai espachón fa poco quatro treballadors, levaban muitas anyadas treballando-ie, totz quatro con familia. Me fa duelo pensar en os fillos suyos, porque me veigo en ells como en un mirallo. Antesmas tot yera esferent. Antes d’ista crisi, no yera menester que pai espachase treballadors cada vegada que acceptaba un concieto mío.

Comentari per GM

O diya que o michín nuestro apareixió dimpués de zinco diyas perdiu per os tejaus de Zaragoza,
bailamos la crisi.

Güe ye ixe diya
y continaremos bailando dica la bitoria benién

Comentari per Robin Jud

L’amiga mía tornaba iste lunes de vacanzas, pero le pilló la vada de personal de aeropuertos, prebó de venir-ie en tren pero tamién bi heba vada cheneral de treballadors y treballaderas,allora se´n fue ta casa suya, pero no podió pillar garra coche linia porque os adugadors yeran protestando por os retalles de salario, no aturó de chilar y faltar mientres toda la tarde. O diya venient ella tamien fació vada.

Comentari per DA

En Aaaaaragón no bi ha cri-cri-crisi.

Comentari per Don José Ángel

Con un culin de sidrina y un porron d’o semontano, a crisi la me foto yo por l’…….

Comentari per O zagal d'o cabo d'ano




Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: