Fendo Orella 101.8 FM


Aquí y en Archentina, no a la impunidat. Chuicio a os culpables
Abril 1, 2011, 1:49 pm
Filed under: Antifaixismo, Internacional, Internacionalismo, Social, Solidaridat

 O 24 de marzo se fan 35 anyadas d’o golpe melitar con que as fuerzas armadas encetaban a nueit más fosca d’a historia d’Archentina. Con ell, os melitars golpistas y os suyos complices civils, eclesiasticos, patronals… esboldregón a traviés d’una estratechia de represión brutal y chenocida os intentos d’amplas sectors d’o pueblo archentino ta transformar a realidat dende una anvista de chusticia, de libertat y de soberanía nacional: decadas de luitas y experiencia acumuladas fuoron borradas por una represión esconoixida dica allora en o país, d’a que o dato de 30.000 desapareixus/as u os secuestros de centenars de ninos y ninas charra con prou elocuencia.

En l’estau espanyol ixa situación s’heba viviu 40 anyos antis, quan os melitars golpistas y os suyos complices civils, eclesiasticos, patronals,… heban esboldregau tamién os intentos de transformar una realidat d’explotación, de miseria social, economica y cultural ta las sectors mayoritarias d’a población y d’opresión ta las diferents nacions sin estau. Un golpe melitar contra la legalidat republicana, decenas de mils de muertos, d’engarcholaus, de desapareixius… más de cien mil encara asperan enronaus en as cunetas y as milentas de ninos arrebataus a os suyos familiars en parlan con estremecedora claridat.

Dos situacions diferents en muitas cosas pero parellanas como veyemos en a estratechia chenocida desatada contra amplas sectors d’a población y más que más contra la oposición politica.

Manimenos, hue, en l’anyo 2011, una esferencia desepara de traza esclatera a Archentina de l’Estau espanyol y a os suyos sistemas politicos catalogaus os dos como democraticos: a traza de tractar iste chenocidio desatau por os melitas d’os dos estaus contra os suyos respectivos pueblos, a traza de concarar a os responsables d’as suyas dictaduras respectivas, a traza d’actuar u no pas contra os responsables d’os delitos de chenocidio y lesa humanidat que en os dos casos se fación… Hue, a 35 anyadas d’o golpe en Archentina, decenas de responsables melitars, policials, eclesiasticos, politicos… d’ixe golpe y d’a dictadura que le va seguir, son estaus encausaus, chuzgaus, condenaus y engarcholaus muitos d’ells. En l’estau espanyol sin dembargo, nian uno solenco d’os responsables d’o rechimen franquista NUNCA no ha estau clamau deban d’un tribunal a tamás d’haber tomau parti u haber feito a mesma mena de delitos que os suyos concheners archentinos.

En Archentina os nombres de Videla, Massera, Bignone, Astiz, Etchecolatz… y tantos, han saliu en primera pachina periodistica  diya part d’atro en estar repetidas vegadas chuzagus. En l’Estau espanyol dengún d’os nombres d’os participes en o rechimen franquista nunca no ha saliu por ello.

Debant d’ista situación as victimas d’o rechimen franquista nomás podemos una vegada más denunciar o modelo d’impunidat espanyol y a totz os que lo sustentón y lo continan sustentando en l’actualida –politicos, institucions, chueces…- que a tamás d’os discursos, d’as celebracions y d’os actos de homenache que a ormino se’n fan a las victimas d’o franquismo continan permitindo que a Verdat, a Reparación y a Chusticia continen ta nusatros/as estando inexistents. Milenta de despareixius, milenta d’asesinaus, milenta de ninos furtaus entre atras cosas… y nian un solo responsable, nian una sola causa, ni un solo chuicio… y tot ixo a tamás de suscribir l’Estau espanyol os mesmos tractaus internacionals que le obligan en teoría a perseguir igual como en Archentina os crimens feitos mientres a dictadura franquista por estar consideraus crimens de lesa humanidat y chenocidio, por lo que’n son imprescriptibles.

Ta denuciar ista realidat, ta expresar o nuestro carinyo a las decenas de mils de victimas d’a dictadura archentina, ta subrayar que en Euskal Herria y en l’Estau espanyol igual como en Archentina a luita contra la impunidat d’ahiere y de hue contina estando una faina ineludible si se quiere contar con una verdadera democracia, ta subrayar que aquí igual como en Archentina a unica garantía de que ixa Verdat, ixa Reparación y ixa Chusticia siga efectiva y real ye en a organización d’as victimas d’ixos crimens de conchunta con as sectors que en a practica comparten as suyas demandas con feitos concretos, dende Ahaztuak 1936-1977 clamamos a participar en a concentración que feremos o diya 25 de marzo a las 20:00 horas debant d’o Teatro Arriaga, en Bilbao, baixo lo lema “Kolpistak – Genozidak – Umeen lapurrak… Argentinan epaituak. Hemen, zergatik ez? / Golpistas – Chenocidas -Ladrons de ninos… Chuzgaus en Archentina. Aquí por qué no?”

AHAZTUAK 1936-1977

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: