Fendo Orella 101.8 FM


O Concello de Zaragoza beneficia a Instalaza recalificando lo solar suyo
Juny 8, 2011, 10:59 am
Filed under: Aragon | Etiquetes: , ,

Una fabrica aragonesa contina fendo-se tristament famosa a ran mundial. Cal que sepamos más sobre ella y cómo, a tamás d’a faina criminal que desembolica, puede continar quitando esquimens d’a nuestra ciudat, por meyo de recalificacions de sulers consentidas por o Concello de Zaragoza.

Mambrú (Alternativa Antimilitarista.MOC)

En a noticia que os meyos reproducen en o Reino de Espanya tocant a la venda de bombas a Libia se’n ha explicau que, coincidindo con a prohibición fixada en Oslo, a fabricant, Instalaza, dentró en crisi y l’esvenidero d’a suya fabrica de Zaragoza pende d’un convenio urbanistico que ha demandau -sin tasament contrapartidas- ta construyir 160 viviendas, duplicando lo sinyalau en o PGOU d’a ciudat.

O «pilotazo» que puede salvar a Instalaza d’a quiebra

Recientment, o Concello de Zaragoza, con os votos de PSOE, PP y PAR, ha aprobau una recalificación d’a demba que ocupa Instalaza en a carrera Monreal, en o preto d’o Casco Historico, permitindo-le quasi duplicar a edificabilidat maxima que admite o PGOU ta que con l’esquimen inmobiliario chenerau ta la interpresa -si fa u no fa entre 11 y 12 millons d’euros- acceda a quitar as instalacions d’o centro d’a ciudat. Existe una xorrontadera coincidencia de cifras entre lo estimau d’esquimen minimo por iste «pilotazo» urbanistico, y as perdugas de 11 millons d’euros que alega la interpresa haber sufriu en investigación, desembolic y inversión en maquinaria ta la fabricación d’as MAT-120, que se’n son idas por o desagüe d’a prohibición internacional, y que, pareixe que habrían meso a la interpresa en quiebra tecnica. Una quiebra que ye brincando por l’inte por a resta d’o suyo catalogo d’armamento, de vez que atras interpresas d’armas espanyolas viyen tamién frustradas as suyas programadas vendas a Libia.

Instalaza ha aguardau a asegurar-se o present institucional d’a recalificación ta fer publica a suya reclamación de 40 millons más a o gubierno central por «daño emergente y lucro cesante», dimpues de que Espanya decidise viedar as bombas de racimo, en o que, manimenos, más bien pareixe estar un esclatero alcuerdo entre as interpresas d’armamento afectadas por a prohibición internacional, y o gubierno espanyol, que, una vegada más, bosarán os nuestros impuestos.

Dengún no menciona, en ixe sentiu, que una «propuesta que recullise elementos d’intrés publico prou importants» como refusan os tecnicos a la propuesta orichinal de recalificación, bien podese estar a que forzase a la interpresa a cambear d’actividat.

Libia: bombas de fragmentación con denominación d’orichen Zaragoza

A interpresa d’armamento Instalaza, con fabrica en Zaragoza, ye estada en o centro de una polemica internacional por o suposau emplego d’as bombas de fragmentación (modelo MAT-120), que a interpresa vendió a o rechimen de Gadafi, en o bombardeyo d’a ciudat libia de Misrasta. Encara que a Convención sobre Municions de Fragmentación, nunca no sinyada por Libia, vieda ixa mena d’armamento dende 2008, Instalaza quitó tres permisos d’o gubierno espanyol ta la venda de bombas de fragmentación a ixe país en 2007 por valor de 3,83 millons d’euros, que fació efectiva en 2008.

Dica l’anyada 2007, yera o Codigo de Conducta d’a UE o que explicitaba os 8 criterios ta no autorizar vendas d’armas en función d’a situación d’o país de destín: quan bi existe conflicto armau, violacions d’os dreitos humanos u d’o Dreito Internacional Humanitario, risque de represión interna u d’enamplar tensions existents, risque de desvío t’atros destinatarios u países que no sigan os autorizaus y asinas asinas. Por a naturaleza d’o rechimen libio, ye ta dandaliar de que cumplise istos requisitos. Tot pareixe indicar que, mesmo dende l’anvista legal, ta par d’alavez no habría d’haber-se autorizau a venda d’iste ni de denguna atra mena d’armamento a o rechimen dictatorial de Gadafi. Con tot y con ixo, dengún no pareixe pensar-se de sentar en o banquet d’os acusaus d’o Tribunal Penal Internacional a o gubierno espanyol, como miran de fer agora con o mainate libio, ni dengún, por eixemplo, no se’n alcuerda d’a munición con uranio empobreciu que ha aventau a OTAN sobre as ciudatz libias que tamién bombardeya.

Ta saber-ne más:

http://www.antimilitaristas.org/spip.php?article4892
http://www.diagonalperiodico.net/aragon/El-Ayuntamiento-de-Zaragoza.html

Anuncis

1 comentari so far
Deixa un comentari

[…] Alimentos ecológicos que generan muerte en vez de salud. Chernobyl. Recalificación del suelo de Instalanza. Cuatro muertos en Brasil por defender nuestro pulmón planetario,  […]

Retroping per MEJOR PARAGUAS QUE CHUBASQUEROS | comedieta




Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: