Fendo Orella 101.8 FM


Mularroya, un entibo que se ye construyindo sobre un río ixuto
Setembre 26, 2011, 10:58 pm
Filed under: Aragon, Ecolochía | Etiquetes: , , ,

Construyir un entibo sobre un río ixuto puede pareixer una contradicción de tot, pero no’n ye que una más d’as cosas que trucan o ficacio en l’entibo que son construyindo en Mularroya, en a comarca aragonesa de Val de Xalón.

Martxelo DÍAZ

Mularroya ye una d’as tres grans obras hidraulicas que se son construyindo, chunto a os entibos de Yesa y Biscarrués, en Aragón y que han provocau un alto grau d’oposición, destacando, amás de l’agresión meyoambiental que suposan, que no’n son sostenibles economicament.

A diferencia d’os atros dos entibos, Mularroya no se sitúa en os Perineus, sino en en a cuenca d’o Xalón, un d’os principals afluyents de l’Ebro por a suya marguin cucha y que naixe en o Sistema Iberico.

Pero l’entibo no se troba en o Xalón, sino en o Gríu, un curto río, poco más que una clamor, que, seguntes destacan os miembros de l’Asociación Plataforma Jalón Vivo, no’n tien prou de cabal ta plenar os 103 hectometros cubicos que son previstos en Mularroya. Y ye que o Gríu ye ixuto buena parti de l’anyo.

Ta evitar o serio problema que suposa construyir un entibo en un río ixuto, a Confederación Hidrográfica del Ebro (CHE) no ha trobau millor solución que planiar un túnel de tretze kilometros de longaria que pille augua d’o Xalón en os arredols de Calatayú y l’aboque en a cuenca d’o Gríu. O problema ye que se tracta d’una obra faraonica, que trescruzará zonas de gran interés ecolochico, declaradas como ZEPA t’a protección d’as aus que bi anidan, más que más vueitres, boletas y aligas reals, y meterá en risque aqüiferos.

De feito, o Tribunal Superior de Justicia de Aragón y a propia Audiencia Nacional espanyola declarón en 2009 nulos o debantprochecto, o prochecto y a evaluación d’impacto ambiental de l’entibo de Mularroya debant de l’agresión que suposaban. Manimenos, tal y como succedió con Itoitz, se fixó una fianza inasumible t’os opositors a la construcción de l’entibo ta proceder a aturar as obras. A conseqüencia ye que, a tamás de que as obras s’han declaradas ilegals, continan enta debant.

Amás d’a esferra meyoambiental, qui s’oposan a l’entibo de Mularroya destacan que a viabilidat economica d’a obra ye bien qüestionable. A chustificación de l’entibo ye que incrementará o regano en a comarca, pero os regants habrán de bosar mesmo 300 euros por hectaria por os gastos fixos d’a infraestructura de Mularroya. A ista cantidat, caldrá adhibir-le o consumo d’augua que faigan en os suyos campos. Actualment, os regants de Val de Xalón bosan diez vegadas menos por istos conceptos y tot y asinas muitas d’as explotacions suyas son luen d’estar rentables. Cautivos como lo presco no fan honra a vegadas nian ta cubrir gastos debant d’os baixos prés que reciben os agricultors. Muitas vegadas s’estimán más de abocar-los u deixar que se malmetan.

Deixar a o Xalón sin augua

A presa d’augua d’o Xalón ta trescolar-la t’o Gríu sienta las bases t’atro gran problema meyoambiental, ya que o cauz principal en istos intes no ye sisquiera capable de guaranciar un minimo cabal ecolochico. O Xalón, tot pasando por Ricla, no pareixe sisquiera un río. As succesivas captacions t’as ceicas de riego lo han deixau quasi ixuto. L’augua sisquiera ye capable de superar l’azut y o río se torna en una succesión de charcos ixemenaus d’augua entibada.

Pillar augua ta plenar l’entibo de Mularroya puede estar a condena a muerte t’o Xalón, tornar-lo en una cloaca, como denuncia Rosa Aznar, integrant de l’Asociación Plataforma Jalón Vivo. S’estima que a detracción d’augua d’o Xalón enta o Gríu estará de bells 103 hectometros cubicos a l’anyo, quan a propia CHE s’había fixau una muga maxima de 40 hectometros cubicos a l’anyo.

Con isto, igual como ocurrió con l’entibo de Itoitz, l’entibo de Mularroya se posará sobre una falla, a d’o Gríu, con lo que suposa de risque de colapso y peligro t’as poblacions d’auguas abaixo d’a paret. En son prous os estudeos sobre a sismicidat inducida, que destacan que o peso d’una masa d’augua sobre una falla incrementa o risque de tierratremols. En o caso d’Itoitz, por eixemplo, s’han rechistrau a-saber-lo sismos dende que se plenó l’entibo. Cayendo en a humor negro, pareixe que a CHE tien serios problemas ta trobar un puesto do construyir un entibo sin que bi exista una falla debaixo.

Dende Jalón Vivo s’han planteau alternativas más baratas y sostenibles frent a l’entibo de Mularroya, como a creyación d’una comunidat de regants d’auguas subterranias que chestionen adequadament l’aqüifero d’Alfamén. Ista propuesta se presentó en a comparecencia que ista colla reyalizó recientment en as Cortz d’Aragón. Con tot y con ixo, a suya presencia en o Lechislativo aragonés no puede estar calificada de positiva por Jalón Vivo, ya que no consideran que os grupos parlamentarios (PP, PSOE, PAR, CHA e IU) prenesen en cuenta os suyos planteamientos.

Chunto a isto, a presencia de Jalón Vivo coincidió «casualment» con as tasament 24 horas en a que estió vichent una reforma reglamentaria que empachaba que os comparecients tenesen turno de replica dimpués d’a intervención d’os grupos parlamentarios, por o que denuncian que se les furtó lo dreito a exponer as suyas tesis de traza adequada. Dimpués d’o paso por as Cortz de Jalón Vivo, ista reforma s’anuló y os venients comparecients tendrán dreito a replica

http://www.gara.net:443/paperezkoa/20110926/293083/es/Mularroya-pantano-que-esta-construyendo-sobre-rio-seco

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: