Fendo Orella 101.8 FM


O desahucio de Caulina remata con dotze detenius y cargas policials
Octubre 5, 2011, 10:48 am
Filed under: Internacional, Represion, Social | Etiquetes:

Os antialgaradas la enristioron a trucos contra decenas de personas apostadas en a vivienda ta empachar o suyo desaloixo

Yeran as diez d’o maitín y l’ambient en o numero 24 de Caulina se feba inalentable. Aintro d’a parcela, la familia aguardaba con temor y una creixient desesperanza o momento en o que a Policía acudiese a executar a orden de desahucio impuesta por o Chudgau de Primer Instancia numero 1 de Jerez. Os chilos de dolor por o que ya s’asperaba como qualcosa irremeyable yeran constants; mas encara parando cuenta que José Gutiérrez, o propietario d’a vivienda, permaneixeba ingresau en l’hespital dende que le fotese una graniza puyada de zucre dos diyas antis, quan estió aplazau o desaloixo.

Ahiere, os fillos de José y Antonia, a suya muller, explicaban que totz os suyos esfuerzos heban resultau un fracaso y que, a pesar d’haber presentau o parte medico d’o pai de familia, o secretaire chudicial decidió de continar entabant con o desahucio y mesmo les suchirió que o pacient demandase l’alta voluntaria ta estar present en o mesmo. O medico, manimenos, le’n desaconselló de traza rotunda por o que os suyos habioron d’esfender sin ell a suya propiedat.

Como ya ocurriese o miercols, os Gutiérrez tornoron a contar con a presencia inestimable de familiars, amigos y miembros d’o movimiento 15-M, que facioron dos sentadas en cadaguna d’as puertas de l’immueble y mesmo beluns s’encadenoron a las reixas, con a fin d’empachar a dentrada d’os achents. En un primer momento apareixioron una dotzena de policías nacionals, acompanyaus de seis locals ta regular o trafico en l’entorno.

Scenas de violencia

Pero iste dispositivo apenas si prencipió debiu a las decenas de personas que s’amuntonaban en os arredols d’a casa, y que protagonizoron os primers momentos de verdadera tensión en forciar con os funcionarios que no podioron acceder a la vivienda. Ixo provocó que a Policía ninviase refuerzos con dos furgons procedents de Sevilla, plenos d’antialgaradas. En total, arredol de 35 funcionarios formoron un escudo humano y paroron a suya estratechia d’intervención, advertindo cinco minutos antis con un megafono de que iban a actuar sin mas tardanza por o que animaban a os presents a abandonar o puesto.

Ixo no fació soque fer calentar encara mas os animos y prencipioron a ascuitar-se chilos como «¡Manos arriba, esto es un atraco!», «¡De la casa de Pepe, no nos moverán!» o «¡Policías, asesinos!». Antis de que escomenzase a pelea, una ambulancia habió d’acudir a socorrer a Antonia y a la suya chirmana, presas d’un ataque d’ansiedat en vista d’o que yera sucedendo. «No nos pueden fer isto», repetiban una y atra vegada, mientres uno d’os fillos apuntaba: «Mi pai se ye morindo, tien una pierna inflada y un brazo negro ya, y a dengún no l’importa».

Desafortunadament, isto estió nomás o prencipio d’un desagradable episodio que se saldó con once personas detenidas y scenas de verdadera violencia fisica. Os policías se disposoron a dentrar por a fuerza, con pistolas que disparan bolas de goma, cascos, achustadors y escudos, y deixoron dezaga de sí a imachen dantesca de personas que estioron arrocegadas por tierra, tirons de pels, cargas con porras y diversos trucos con os que a la fin dispersoron a los allí congregaus.

Mientres a brutal pelea, atras dos mullers sufrioron una desgana y habioron d’estar atendidas por os sanitarios, entre ploros y chilos de desesperación. Mientres tanto, un cerrullero tiró a puerta ta baixo y consiguió ubrir a casa, que ya heba estau vuedada o diya anterior por os propietarios. «Nos han tractau como animals -chemecó José, uno d’os fillos d’o matrimonio-. Nos han fotiu lapos a totz, y mesmo no les ha importau que i haiga personas mayors. ¿Y istos son os que nos han d’esfender a nusatros? Nomás queremos trobar a traza de bosar a deuda, no nos negamos a ixo, pero no nos pueden sacar a nuestra casa».

A parcela estió vendida a un tercer por 32.758 euros, dimpués de que heba estau tasada en 278.000, debiu a que a parella no bosó mientres dos meses as condutas d’un credito debiu a la malotia d’o pai de familia.

http://www.youtube.com/watch?v=gm0l-WsqKH0

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: