Fendo Orella 101.8 FM


DENTRAN POR UNA PUERTA… Y SE I QUEDAN
Abril 10, 2012, 1:26 pm
Filed under: Social | Etiquetes: , ,

Vivimos tiempos de demagochia informativa y politica. De chenerar noticias espectaculars que reforzan ideyas como a inseguridat ciudadana u a suposada lieudat d’as penas de garchola. Istas noticias intencionadas s’aplegan a la población y las escuitamos repetidas con freqüencia. Si hésenos de fer caso a os charrazos de tabierna, a o condicionau vox populi tendríanos a sensación de que as garcholas espanyolas son alto u baixo una residencia estudiantil.

Pero, si centramos un poquet o foco, dillá d’una serie de lamentables casos magnificaus dende os meyos, nos trobamos con una realidat penitenciaria que, en esencia, en cuenta de cambiar a millor en 30 anyos, ha empiorada.

Por un costau, a lo largo d’os anyos as penas s’han incrementadas, asinas como o tiempo meyo de permanencia en a garchola. L’aplicación estricta d’a legalidat ye producindo casos d’acumulación de penas que suman decenios de garchola quan a immensa mayoría d’a población penitenciaria la constituyen chicotz/as delinqüents con delitos lieus contra a propiedat u trapicheo de drogas. Lo legal no tiene porque estar chusto.

Por unatro costau una clase politica incapable d’aturar os pietz a os/as verdaders/as causants d’a salvache crisi que vivimos esvarra convenientment o ficacio enta posicions que redundan en a ideya de castigo, frent a atras alternativas. As garcholas continan sin estar en crisi, de feito continan estando un gran negocio t’as constructoras, contractas de servicios u interpresas que se benefician d’o treballo d’as personas presas.

Entremistanto as alternativas a o zarre, que cheneralment chenera nuevos problemas socials en cuenta de resolver os que l’autor d’o delito cheneró, quedan aparcadas ta cutio. Pero bi’n ha: reparación d’o mal causau, restitución economica, tractamiento de dependencias y patolochías. Brenca d’ixo se’n soluciona con l’engarcholamiento. Encara que existen alternativas contempladas por lei como a meyación, rara vez s’aplican.

En iste contexto a nueva propuesta de Ruiz Gallardón d’endurecimiento de penas y cadena perpetua, encara que se le meta unatro nombre, no deixa d’estar absurda. En a practica a cadena perpetua amagada existe fa muito en l’Estau. Dengún en o suyo sano chudicio pensaría que un ser humano sía capable de sobrevivir a 30-40 anyos de trancamiento ininterrompiu en as actuals condicions carcelarias. L’Estau espanyol ya tien un d’os codigos penals mas duros d’a Europa Occidental, endurecer-lo no fería que empiorar encara mas a situación actual.

D’atra mán unatra d’as reformas propuestas por l’actual gubierno qüestiona a gratuidat d’a esfensa. Tenendo en cuenta que son as capas mas humils d’a sociedat as que mas rematan en os chudgaus, ye de buen deducir que tamién serán qui mas padeixcan ista reforma, podendo afectar a o dreito a una esfensa chusta. No digamos ya dica qué punto podría plegar a vulneración d’ixe dreito en o caso d’una persona sin papels, por eixemplo, que amás no domine bien o castellán.

Dentran por una puerta y salen por unatra, se gosa escuitar. Talment calga aclarir que en as garcholas bi ha muitas puertas, pero soque una de dentrada y, as zifras lo contrimuestran, por que cada vegada ye mas facil dentrar-ie y mas dificil salir-ie.

Anuncis

2 comentaris so far
Deixa un comentari

[…] programa, rematamos con as convocatorias ta istos dias. D’as muitas que bi’n, leyemos o comunicau d’a XI Marcha t’a Macrogarchola de […]

Retroping per Programa 12/04/2012 « Fendo Orella 101.8 FM

[…] programa, rematamos con as convocatorias ta istos dias. D’as muitas que bi’n ha, leyemos o comunicau d’a XI Marcha t’a Macrogarchola de […]

Retroping per Con as zaguers parolas d’o chubilau griego Dimitris Christoulas prencipiemos iste Fendo Orella d’o 12 d’abril | AraInfo | Achencia de Noticias d´Aragón




Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: