Fendo Orella 101.8 FM


COMUNICAU A O PUEBLO ARAGONÉS D’O CONSELLO SUPERIOR D’AS LUENGAS D’ARAGÓN
Mai 28, 2012, 1:56 pm
Filed under: Aragon, Colonialismo, Cultura, Luenga

O CONSELLO SUPERIOR D’AS LUENGAS D’ARAGÓN concebiu como un organo consultivo d’especial importancia t’o desembolique d’a politica lingüistica d’a Comunidat Autonoma, creyau y regulau por a vichent Lei de Luengas, adscrito actualment a o Departamento d’Educación, Universidat, Cultura y Esporte y manimenos dotau d’autonomía organica y funcional con a finalidat de guarenciar a suya obchectividat y independencia, en sesión celebrada en Zaragoza o pasau día 10 de mayo, una vez presentada y admitida por o Pleno a dimisión d’o President y d’a Vicepresidenta d’o mesmo, fendo uso colectivo d’a competencia y d’a responsabilidat publica asumida, mica menos que de l’autoridat moral que se reconoixe a os suyos miembros, dimpués de considerar a situación y as circumstancias, l’asombro y o desconcierto que s’ha creyau con a demora d’una promesa incumplida y o no cumplimiento d’a lei vichent, amenista y quiere fer a siguient 

DECLARACIÓN A la OPINIÓN PUBLICA ARAGONESA

L’aragonés tasament ye ya una reliquia venerable t’os aragoneses. a protección d’iste patrimonio cultural y historico d’Aragón ye guarenciada por l’Estatuto d’Autonomía; pero dimpués de trenta anyos d’autogobierno en que tasament se fació brenca por ell, constatamos con amargor que una lei -ni sisquiera a clamada “d’uso, protección y promoción d’as luengas propias d’Aragón”- no guarencia por sí solenca a supervivencia y conservación de garra luenga. Y menos encara l’emplego que se faiga de l’aragonés, o dreito d’os suyos fablants y o respecto a las modalidatz d’o luenga. Y por o que fa a o catalán d’Aragón u d’a Franja, que habría y podría estar puerta batalera u, millor, l’Arco de Triunfo ta pasar y repasar, ta celebrar chuntos a mesma historia, corremos o periglo de convertir-lo en piedra de trepuzar y en quicio que nos desquicia: De Fraga “enta ací” ixa luenga ye encara ta masiaus aragoneses una infamia y de Fraga “enta allà” un motivo de reivindicación territorial.

Os aragoneses nos hemos destacau en os zaguers tiempos por a esfensa d’o nuestro patrimonio material, pos bien, a luenga ye un patrimonio immaterial tant important u mas que aquell que mereix millor tracto. Invertir ta empentar o suyo emplego ye invertir en democracia y en educación humana. Y o que s’amenista ye poco mas que brenca en diners, que no’n sobra, y muitismo mas en atras valors inapreciables que se suposa no habrían de mancar-nos.

Tenemos una Lei de Luengas en vigor y un Gubierno que no la cumple. En ista situación as dimisions d’os cargos organicos d’o CONSELLO SUPERIOR D’AS LUENGAS D’ARAGÓN s’han presentau a qui corresponde; ye dicir, no debant d’o Gubierno, sino debant d’os consellers en Pleno que asumen unanime y colectivament toda la responsabilidat, sin que dengún dimita como consellero, y debant d’o pueblo aragonés, que a la fin d’ell ye a sobiranía. As leis son ta que se cumplan. Denguna ye perfecta, y tamién a Lei de Luengas puet estar millor. Pero, parafrasiando l’adagio: “imperfecta lex, sed lex”.

Encara que siga a Lei de Luengas papel mullau y o CONSELLO SUPERIOR D’AS LUENGAS D’ARAGÓN probablement una posibilidat perdida, a continuidat d’os consellers en os suyos cargos y a suya existencia mesma, será de feito una denuncia y o testigo de cargo en favor d’una causa pendient: un servicio publico altruista y sin costes economicos. Razón de mas y suficient ta queixarse-ne y buscar amparo do bi n’haiga.

18 de mayo de 2012

 

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: