Fendo Orella 101.8 FM


Programa d’o 18 d’aviento: os problemas d’a despoblación
Desembre 24, 2014, 7:50 pm
Filed under: Cheografía, Cultura, Ecolochía, Fendo Orella | Etiquetes:

sierra_de_albarracin-7085

I puyamos o programa d’o chueves pasau 18 d’aviento, anque comentemos bella noticia graciosa y a nuestra presentadora estrela nos charró d’os problemas de despoblación en a serranía de Cuenca y Teruel, asinas como os problemas ecolochicos que chenera.

https://archive.org/details/18.12.2014.FO

Totz os chueves dende as 18:30 dica as 19:00, Fendo Orella, programa de radio en aragonés feito en RadioTopo, 101.8FM.

Ista semana fablaremos d’o nadal en Manchester y Anglaterra, asinas como de costumbres y noticias de Manchester y o Reuno Uniu en venir un viello conoixiu de propio!



FENDO ORELLA – MATE AMARGO 25/02/2013 – ESPECIAL BOLIVIA

O zaguer programa lo faciemos de conchunta con os nuestros companyers de Mate Amargo y mientras istas dos horas nos miremos d’amanar-tos ta ixe país desconoixiu perdiu entre altiplanos y selvas en Sudamerica.

Charremos d’as nacionalizacions d’interpresas espanyolas por parte d’o gubierno d’Evo Morales, d’o que tamién en recentemos bella parte negativa, como a posible construcción d’una carretera en territorio virchen en a selva, en o Tipnis. Tamién teniemos un convidau en l’estudeo, José de l’asociación cultural Raíces Andinas, con qui charremos, prou que sí, de Bolivia y d’a faina d’a suya asociación.

Vía telefonica charremos con Silvia de Mundubat, que nos charró sobre ista ONG. Comentemos una mica de literatura boliviana, amás de charrar-tos d’as luengas que existen en o país andino y quála ye a suya lechislación y situación. A quinoa, rica planta que fa buena honra como alimento estió tamién present en o programa.

Amenizando, buena mosica boliviana. Tot isto en as 2 horas d’iste especial.

A semana venient prebaremos d’estar con vusatras unatra vegada, como no, en Radio Topo, 101.8 FM Zaragoza.



Ta iste sabado 15 d’aviento…
Desembre 14, 2012, 8:14 am
Filed under: Ecolochía, Social | Etiquetes: , ,



Cañete y o PP tornan con o trescole mirando-sen enta Yesa
febrer 9, 2012, 4:23 pm
Filed under: Aragon, Colonialismo, Ecolochía | Etiquetes: ,

En Aragón o consellero Lobón, acompanyau d’os regants de Bardenas, miran de distrayer o ficacio debant d’o evident. Ye penible a insistencia en una obra caduca, insostenible, insegura y que estaría a fin t’o río Aragón.

Poco tiempo ha tardau o ministro Cañete, o d’o “paseo militar” y o d’o PHN de “no, salir, sale por cojones”, en deixar as cosetas plateras. En ista linia franca d’o PP de, agora sí dimpués d’haber ganau por mayoría absoluta, dicir as cosetas plateras ha remerau que os trescoles, y prou o de l’Ebro que ye l’unico a o que se miran de verdat, son en a suya chenetica y a suya achenda politica y que u se trusque con ista a suya verdat u aquí no i hai brenca que gratar.

Desgraciadament ista historia nos sona muit familiar y remeramos que siempre que se charró de trescoles, ya isen d’o PSOE u d’o PP, decamín se charró de Yesa. Isto ye asinas porque a verdat que Yesa ha amagau siempre ye a suya condición de reserva estratechica ta satisfer suposaus intréses chenerals que, en a practica, rematan tenendo o nombre d’excedents y satisfacción de necesidatz en cuencas deficitarias.

Y nos sona familiar a estratechia que siempre siguen os mainates politicos en Aragón d’o partiu gubernant. Fan un poder por esvarrar o ficacio charrando-nos muito d’entibos y poco d’a suya chestión u nombrando o Pacto de l’Augua ideyau por o corrupto Antonio Aragón y d’o que soque i quedan parolas como Yesa que qualsiquiera sabe que se concibió como reserva estratechica en a cabecera de l’Ebro t’o que calga. Ixo sí, deixar-se acompanyar d’os regants de Bardenas que ya fa anyos deixoron platero que veyen en Yesa un negocio particular d’o que mesmo pueden fer esquimen con a venda d’excedents a Levant y que, día par d’atro, niegan o dreito preferent de Zaragoza ta dar-se o caval d’o río Aragón.

L’Asociación Rio Aragón considera penible que o consellero d’agricultura Sr. Lobón s’haiga sumau presto a ista ceremonia y que no veiga mas prioridatz que as que suposan enronar millons en una obra d’alto coste, en salió por 100 y ya va por mas de 250 d’euros, y taso rendimiento real t’Aragón. Y que lo faiga charrando demagochicament de dar cavals a Zaragoza u ixuplidando que muitos anyos ni tant sisquiera l’actual entibo s’imple. A o Sr. Lobón ye platero que l’intresa mas a ganancia de qualques que a sanidat publica, a educación publica, as pensions u as personas dependients. Mesmo pareixe intresar-le mas que o de muitismos agricultors u ganaders a os quals Yesa rai u les perchudica y, prou, que muitismo mas que no o meyo ambient. A la vista d’a suya actitut se constata que meter-lo en as suyas mans ye como meter a rabosa a cudiar o gallinero.

Desgraciadament qui huei menan a politica aragonesa continan encerrinaus en aplicar as viellas recetas que nos han levau t’a crisi actual. Nunca no habríanos d’ixuplidar que Yesa estió empentau por un corrupto como Antonio Aragón y a primer piedra i estió mesa por unatro encausau: Jaume Matas. Son a preba palpable que nomás abanza quan prevalecen os suyos intreses inconfesables. Dende l’Asociación Río Aragón somos disposaus a luitar ta que no nos furten as tierras como prebarán o 29 de febrero y a privar que a corrupción y o malfurrie sían qui sigan empentando o recreiximiento de Yesa.

Asociación Río Aragón



Chornadas por o decreiximiento (21 noviembre – 22 aviento)
Novembre 21, 2011, 3:22 pm
Filed under: Aragon, Ecolochía, Social, Tecnolochia | Etiquetes: , , ,

Programa d’actividatz

“O punto de partida ta explicar a teoría d’o decreiximiento ye simple: no se puede creixer economicament de traza indefinida en un planeta finito. Dito d’atra traza, si continamos consumindo os recursos naturals a la velocidat actual, s’acotolarán y china-chana viviremos en un mundo pior.
A contaminación d’as auguas, a esferra d’o suelo fertil, l’acotole d’os combustibles fosils, l’empioramiento d’as condicions laborals u o progresivo retalle en as libertatz individuals son simptomas inequivocos d’a crisi global que padeixemos y indicios claros de que o camín trigau no ye l’adequau.
Manimenos, istas adversidatz, luen d’estar un obstaclo t’o desembolique d’as capacidatz d’o ser humano, suposan  una oportunidat de superación, de creiximiento personal y colectivo. Un nuevo punto de partida dende o que, unindo l’antigo a o nuevo, demos os primers trangos enta un esvenidero millor.
As chornadas que acontecerán d’o 21 de noviembre a o 22 d’aviento en Zaragoza, son pensadas ta, por una parti, revelar o dificil scenario en o que nos trobamos y, por atra, dar a conoixer de qué traza podemos decreixer d’una traza ordenada, feliz y digna; d’una traza que cambie o nuestro modelo de vida y contribuiga a la nuestra felicidat present y futura.”



Comunicau de mugitu! debant d’a detención d’os tres pastelaires chusticiers
Novembre 9, 2011, 10:55 pm
Filed under: Ecolochía, Internacional, Meyo Ambién, Represion, Social, Solidaridat

O Gubierno de Navarra ha calificau como delito d’atentau a l’autoridat l’acción d’os tartazos anti-TAV aventaus contra Yolanda Barcina. Ista calificación d’atentau ye a unica traza de fer treslau d’o caso enta tribunals espanyols.

 

Dende una anvista de dreito internacional publico, se vulnera o prencipio de chuez natural predeterminau por a lei, y se permite que os delitos calificaus como atentau a l’autoridat, feitos por “espanyols” a personas espanyolas difuera d’o territorio estatal sin que haiga habiu dilichencias chudicials en o país an que s’han feito, sigan competencia de l’Audiencia Nacional.

Que iste caso vaiga a estar instruyiu por l’Audiencia Nacional mete de manifiesto una vegada más o excepcional d’iste tribunal, inexistent en as organizacions chudicials d’os países d’o nuestro entorno y hereu d’o Tribunal d’Orden Publico franquista.

Entendemos que l’acción d’os tartazos s’ha calificau como atentau a l’autoridat como a unica traza de que siga competencia d’un tribunal espanyol. Dende o movimento de desobediencia a o TAV Mugitu! queremos denunciar l’animo platerament criminalizador d’o Gubierno de Navarra que ha calificau d’ista traza un acto comico de protesta feito sin dengún animo de fer mal y que en Francia no suposó nian sisquiera una detención.

En dependencias d’a policía foral, a os tres detenius se les obligó a dar muestras d’ADN como condición indispensable ta quedar en libertat, no estando ísta preba obligatoria. Debant de l’amenaza de continar detenius y de incurrir en un delito de desobediencia, dos d’ells i accedión o viernes pasau de nueitz y o tercero lo sabado de meyodíyas. Queremos denuciar ista coacción a os detenius ta que facilitasen o suyo ADN, metendo ficacio que ista preba corresponde a la averiguación d’un delito y manimenos en iste caso no teneba garra sentiu ya que l’acción estió publica y os detenius s’endrezaban a fer una rueda de prensa tamién publica.

O zaguer d’os detenius meso en libertat, que ha pasau 22 horas en os calabozos ha denuncia o trato recibiu ya que se l’ha privau de dormir mientres a nueit. A tamás que solicitó terne que terne que amortasen a luz, a Policía Foral se i negó aducindo que a camara de seguridad suposadament colocada ta empachar autolesions no podría grabar os movimientos d’o deteniu. Asinas mesmo se le negó una segunda manta.

Por tot isto consideramos que tres d’os nuestros companyers han estau victimas d’un secuestro feito por a Policía Foral baixo ordens de Yolanda Barcina, que a tamás de considerar l’acción como “un encete muy dulce” a o frent d’o CTP (Comunidat de Treballo d’os Perineus) no ha encaixau mica bien o “laminero” d’a nuestra propuesta. Tanto ye asinas que con l’acusación feita pende sobre istas personas posibles penas de garchola en un tribunal d’excepción.

Animamos a continar amostrando a nuestra oposición a o TAV fendo accions de desobediencia.

Mugitu! Mugimendua



Mularroya, un entibo que se ye construyindo sobre un río ixuto
Setembre 26, 2011, 10:58 pm
Filed under: Aragon, Ecolochía | Etiquetes: , , ,

Construyir un entibo sobre un río ixuto puede pareixer una contradicción de tot, pero no’n ye que una más d’as cosas que trucan o ficacio en l’entibo que son construyindo en Mularroya, en a comarca aragonesa de Val de Xalón.

Martxelo DÍAZ

Mularroya ye una d’as tres grans obras hidraulicas que se son construyindo, chunto a os entibos de Yesa y Biscarrués, en Aragón y que han provocau un alto grau d’oposición, destacando, amás de l’agresión meyoambiental que suposan, que no’n son sostenibles economicament.

A diferencia d’os atros dos entibos, Mularroya no se sitúa en os Perineus, sino en en a cuenca d’o Xalón, un d’os principals afluyents de l’Ebro por a suya marguin cucha y que naixe en o Sistema Iberico.

Pero l’entibo no se troba en o Xalón, sino en o Gríu, un curto río, poco más que una clamor, que, seguntes destacan os miembros de l’Asociación Plataforma Jalón Vivo, no’n tien prou de cabal ta plenar os 103 hectometros cubicos que son previstos en Mularroya. Y ye que o Gríu ye ixuto buena parti de l’anyo.

Ta evitar o serio problema que suposa construyir un entibo en un río ixuto, a Confederación Hidrográfica del Ebro (CHE) no ha trobau millor solución que planiar un túnel de tretze kilometros de longaria que pille augua d’o Xalón en os arredols de Calatayú y l’aboque en a cuenca d’o Gríu. O problema ye que se tracta d’una obra faraonica, que trescruzará zonas de gran interés ecolochico, declaradas como ZEPA t’a protección d’as aus que bi anidan, más que más vueitres, boletas y aligas reals, y meterá en risque aqüiferos.

De feito, o Tribunal Superior de Justicia de Aragón y a propia Audiencia Nacional espanyola declarón en 2009 nulos o debantprochecto, o prochecto y a evaluación d’impacto ambiental de l’entibo de Mularroya debant de l’agresión que suposaban. Manimenos, tal y como succedió con Itoitz, se fixó una fianza inasumible t’os opositors a la construcción de l’entibo ta proceder a aturar as obras. A conseqüencia ye que, a tamás de que as obras s’han declaradas ilegals, continan enta debant.

Amás d’a esferra meyoambiental, qui s’oposan a l’entibo de Mularroya destacan que a viabilidat economica d’a obra ye bien qüestionable. A chustificación de l’entibo ye que incrementará o regano en a comarca, pero os regants habrán de bosar mesmo 300 euros por hectaria por os gastos fixos d’a infraestructura de Mularroya. A ista cantidat, caldrá adhibir-le o consumo d’augua que faigan en os suyos campos. Actualment, os regants de Val de Xalón bosan diez vegadas menos por istos conceptos y tot y asinas muitas d’as explotacions suyas son luen d’estar rentables. Cautivos como lo presco no fan honra a vegadas nian ta cubrir gastos debant d’os baixos prés que reciben os agricultors. Muitas vegadas s’estimán más de abocar-los u deixar que se malmetan.

Continua llegint



Esferra ecolochica en a Uerva
Setembre 26, 2011, 7:45 pm
Filed under: Aragon, Ecolochía | Etiquetes: ,

Iste ye l’estau en o que ye en istos intes l’entibo d’as Torcas:

No s’han respectau os cabals ecolochicos d’o río, se i han estau quitando auguas a pozals en istos meses de verano y de rapiconté han tallau a cheta y han trancau de tot l’entibo, no salindo-ie nian una chisla d’augua auguas t’abaixo, con a conseqüencia de que s’ha ixutau o río de tot dica o lugar de Tosos, con a consiguent esferra ecolochica d’a muerte d’os peixes, cangrillos y flora d’o río.

Demandamos responsabilidatz a qui corresponde, isto ye, a o Consellero de Meyo Ambient y que a CHE responda por a suya irresponsabilidat en quanto a la regulación d’os cabals t’o riego, mientres iste verano, y o tranque d’agora.

Sale más augua que no entra en l’entibo, estando lo volumen actual de 0,986 Hm3 quan a capacidat de volumen de resguardo de l’entibo ye de 5,683 Hm3. A variación de capacidat d’augua de l’entibo respective a l’anyada pasada ye d’un -32,35% y respective a fa 5 anyadas d’un -42,63% datos quitaus d’o SAID d’a CHE.

Dende o lugar de Tosos s’ha denunciau a o Seprona y a la CHE por a suya mala chestión reguladera d’os cabals.

Os cabals d’o trescole t’os lugars mancomunaus s’ha continau fendo con tot y con ixo, atamás d’a mala calidat de l’augua, ya que saliba terrosa d’as chetas en estar salindo d’os pocos fundos que le’n quedan a l’entibo en a zona d’a compuerta, do se prene l’augua.

Tememos por a vida d’os nuestros ríos debiu a o cambeo climatico. Pero a Uerva, modesta, polida y sustentadera d’a vida en a suya ribera, corre un peligro mayor y immediato: qui son obligaus a protecher-lo, han prencipiau a ixutar-lo.

Con a Uerva se quiere fer tot  ixo que s’heba dito que no se le puede fer a un río: sacar-le l’augua que ya l’escasia ta remanir en vida, ta portar-la ta do no ye menester ta emplegos razonables. Bi ha una conciencia, que lo mesmo puede clamar-se ecolochica que civica que s’oposa a ello. Voces que reclaman realismo y buen criterio convocan a mirar-se ta iste ta decir-le, afectuosament, que l’esfenderemos as auguas, porque en ellas nos esfendemos nusatros.

Isto ye muit grau, hemos de fer qualcosa, se nos va a ir morindo en as mans. Si un río agoniza, agoniza tamién en nusatros. Y si muere…

http://huervavivo.wordpress.com/2011/09/23/desastre-ecologico-en-el-huerva/



Os costes d’o regano
Setembre 26, 2011, 7:33 pm
Filed under: Aragon, Ecolochía | Etiquetes: , , ,

Os costes d’o regano: O desembolic de ‘Riegos del Alto Aragón’ ha suposau o desaloixo y destrucción de 19 lugars d’Aragón.

COAGRET denuncia o coste excesivo que ha suposau y suposa o desembolic d’os grans sistemas de regano en Aragón.

‘Riegos del Alto Aragón’ (RRAA) ya ha suposau o desaloixo de 19 lugars. As suyas demandas son estadas y continan estando un baldón t’a provincia de Uesca. Amás de l’Alto Galligo y o Sobrarbe, un nuevo territorio, A Galliguera (amás d’atras vals d’a Cinca y o Galligo) ye menazada por a insaciable demanda d’augua de RRAA.

RRAA fa servir l’augua regulada por 7 grans entibos en a Cinca y o Galligo, igual como d’incontables basas de regulación interna.

L’entibo de Lanuza obligó a abandonar o lugar de Lanuza y l’entibo de Bubal inundó tres lugars más: Bubal, Saqués y Polituara. En Lo Grau s’espachón 542 habitants de 7 lugars, encara que dos d’ells sobrevivión a la inundación. Mediano desplazó a 469 vecins de 8 nuclios. Sin contar con a complicidat en a destrucción de Chanovas, La Velilla y La Cort en a val de l’Ara.

O regano en Monegros ha creixiu a costa de 19 lugars d’Aragón, muitos d’ells inundaus, amás d’estar a causa d’a ruina d’atros muitos que dependeban d’aquells. Agora, con o prochecto de Biscarrués se miran d’estricallar atra val, atro territorio que vive d’o río y chunto a o Galligo.

Os regants demandan sacrificios a os de demás, manimenos ells no han renunciau a cosa. Ni a Chanovas, ni a Biscarrués gran (que afogaría atra población más: Erés), ni a 6 grans entibos más de regulación en atros ríos y clamors: en a Susía, en l’Alcanadre, en Almudevar, en La Valcuerna, Valcabrera y Augua Baixa.

COAGRET demanda a o ‘Ministerio de Medio Ambiente Medio Rural y Marino’, a o Gubierno d’Aragón y a la resta d’institucions publicas que metan muga a o creiximiento d’o regano de Monegros a costa d’a destrucción d’atros territorios.



Presentación Prou, prou luen
Setembre 26, 2011, 2:45 pm
Filed under: Ecolochía, Luenga | Etiquetes: , , ,

Una alica crabitera que no sabe a on dormir, un escarabaixo y una aranya preocupaus por quantas garras han de tener, milenta muixons parando o casorio d’una babieca y una fuella que no le fa goi l’agüerro.

Cuentos en aragonés ta un esdevenider sostenible, en formato libro-CD.

Miercols 5 d’octobre de 2011
20.00 horas
La Pantera Rossa (C/ Sant Vicent de Paul 28, Zaragoza)