Filed under: Aragon, Meyo Ambién, Sozial | Etiquetes: Carrasca Rock, Ejulve, incendios, Xulb
O Carrasca Rock ye un festival de collas de mosica d’esferents estilos que se mira d’empentar as collas chovens aragonesas. Tamién ye una fita que reivindica o dreito a vivir en os nuestros lugars dignament, desembolicando actividatz culturals y festivas en o meyo rural ta fer-lo más vistero y dinamico.
Ista 5ena edición ye muito especial, son cinco anyos organizando conciertos en Ejulve y amás se ferá un anyo d’os bestials incendios que esferrón os nuestros monts. L’Asociación Carrasca Rock ye vinclada a la Plataforma Ciudadana “Nuestros montes no se olvidan”.
Viernes 23 de chulio:
20:30 Rarezas
23:30 El Enchufado del Carclero, Manolo Kabezabolo, Huellas de Barro y Apelo
Sabado 24 de chulio:
20:30 A Compañía de Chesús
23:30 Ixuquera, Lilith, Azero y Los Draps
Dentrada y acampada de gufanya.
Prés populars en a barra.
Se i ferán cenas populars os dos diyas a las 22.00 horas, pré de 7€ (cal reservar en o mail carrascarock@hotmail.com)
Ta saber-ne más:
http://www.turismoandorrasierradearcos.com
http://ejulvecarrascarock.wordpress.com
Artieda 2010 – Esfendemos a tierra
16 y 17 de chulio. Fiesta con Groovy Grandpa, The Lliterans Soundsistem y Talinfiernoytorna. Gymkana antipatriarcal con A Clau Roya. Pasavillas por o lugar con Profés Prou y Os gaiters de Chaca. Chentas populars. Concierto con Rebel Spell, Prau, China Chana, Gen y Banda Batxoki. Puestos de venda de material. Charrada sobre esfensa d’a tierra con chent d’o BIC, Bardenas Ya, AHT-Gelditu… Teyatro O yayo volador. Exposición de material de Río Aragón d’as 30 anyadas de luita contra o recreiximiento de Yesa.
Filed under: Colonialismo, Sozial | Etiquetes: Aduya humanitaria, Echercito, ONG
Qual ye reyalment a eficacia d’os echercitos como achents d’aduya humanitaria?
“L’echercito regala arroz sin fer estudeos nutricionals. Fa hespitals ta operar chent de cáncer quan os problemas más grans son os espenyos. Instala motobombas en os pozos ta quitar l’augua en cuentas de fer servir pozals, sin previyer qui bosará o combustible ni d’an saldrán as piezas de repuesto quan s’estorben. Reparten medicamentos sin parar cuenta en os protocolos de sanidat. Tasament proporcionan formación a las victimas y ni se les viene t’o tozuelo pensar en a continidat u a sostenibilidat d’os prochectos. Alazetalment, os reclutas curan y alimentan a las poblacions os meses que dura la suya invasión particular. Dimpués, recullen os trastes y marchan con l’esmo tranquilo, convencius d’haber feito un gran treballo (…)
Por definición lo que as fuerzas armadas fan no ye salvar vidas, fan un poder t’amugar o numero de muertes, más que más entre a suya propias chent. Y matar a poca chent ye muito esferent que salvar vidas, encara que muito a sovent s’enreliga la una cosa con l’altra. O paradigma d’ista farsa ye ista combinación d’a que he parlau antes, de balas y arroz, que equivale alazetalment a esfender as victimas primero y matar-las dimpués, u por tranquilidat d’os nuestros esmos, matar-las con a pancha plena.”
Jordi Raich, coordinador de prochectos humanitarios y escritor.
Texto preso d’o libro “Humanitarismo militar, Militarismo humanitario”
Filed under: muller, Sozial | Etiquetes: binarismo, Kim Pérez, Nosotrans, transfeminismo
O no-binarismo, quala conseqüencia ye transformar os sistemas trancaus sexochenero en conchuntos foscos, ye tenendo una mena d’efectos en totz os conchuntos identitarios y en as suyas politicas.
En o feminismo, ha transformau lo que se diz “feminismo clasico” en un “transfeminismo”, encara encetant, pero que fa viyer cenyos de representar l’esvenidero.
En él, enzurizau tamién por a teoriya d’a escolonización, o femismo brinca qualsiquier risque d’amugar-se a un simple corporativismo u sindicalismo d’as mullers, que cusire os suyos intreses inmediatos en competencia con atros ta tornar ta l’endendimiento de tot como liberacionismo de chenero, protagonizau por mullers (foscas) y por qualsiquier atra persona con planteyamientos complegants.
Asinas se brinca historicament a paradocha de que, por o binarismo cheneralizau, cautivau o feminismo, o primer d’os movimientos de liberación de chenero, haiga cayiu fa ya tiempo en un binarismo radical, librau biolochisticament como luita de “mullers” contra “hombres”, u de “todas as mullers” contra “totz os hombres”
De feito, tasament prenió fuerza o feminismo, y a imachen d’el, surtió atro liberacionismo de chenero, o d’os gais, que resultaban estar hombres que sufriban a opresión d’atros hombres, en terminos muito mas violentos y mesmo letals que no a sufriban as mullers. Isto feba vistero que a opresión de chenero no yera soque d’os hombres contra las mullers, sino d’os hombres contra bells hombres a lo menos: y mesmo feba pensar que, si bi heba bells hombres victimas d’a opresión de chenero, tamién podeba haber hombres que no queresen funcionar como opresors, y que a linia d’a opresión de chenero encara estando de chenero, no pasaba por a deseparación chiolochica dentre “hombres” y “mullers”, entendius binaristicament.
Tien gran intrés a efectos dialecticos, isto ye, a efectos de rufierta historica y d’esclareiximiento d’as ideyas, un feito que allora no tiengo por negativo, sino a negación d’una afirmación previa que habría d’ir contino d’una nueva afirmación, ta un ran de compresión mayor: me refiero a que, en as recients y historicas Chornadas Feministas Estatals de Granada, de vez que i dentraba a embute o tranfeminismo (nueva afirmación), se paraba una fiesta de rematadera reservada ta mullers, que se querió zarrada ta hombres (negación d’a previa afirmación d’o dominio masculino), lo que creyó una fuerte contestación por os sectors más esvielladors.
Si os efectos d’o no-binarismo en o feminismo son bestials (as conseqüencias de totz istos aparents menuceles están chigants) os que pueden tener en os colectivos trans son grandismos en teyoría, encara que en a practica lo unico que fan ye confirmar a validez de muitas practicas personals.
Filed under: Solidaridat, Sozial | Etiquetes: 4F, AI, Alvaro, Rasmia, Rodrigo Lanza
Viernes 21 de mayo 19.00 h.
Charrada: “¿Existe la tortura?. Amnistía Internacional charra d’o caso Rodrigo Lanza (4F)”.
Con Virginia Álvarez, d’Amnistía Internacional de Madrit y Mariana Huidobro, mai de Rodrigo.
Centro Civico Estación del Norte / Gara d’o Norte (C/ Perdiguera, 7)
Organiza: Grupo de Apoyo a Rodrigo Lanza (Zaragoza).
O sabado 22 de mayo bi habrá una chornada por a libertat de Rodrigo y a resta d’encausaus d’o 4F con actuacions de rap, poesía y asinas asinas en o Centro Social Okupau La Vieja Escuela / A viella escuela (C/ Biescas, Torrero)
Viernes 21 de mayo 21.00 h
Contra la represión… Alvaro libertat!
Mosica y pinchos anti-represivos en refirme d’Alvaro.
C.S.A. A Enrestida (Callizo San Cristóbal)
Filed under: Internazional, Solidaridat, Sozial | Etiquetes: Estamos todas enRedadas, Mocador royo, Mossos, Pañuelo rojo, Saura
Articlo de Hibai Arbide (miembro d’a campanya):
Un apegallo reza en un estudiet: “Los españoles primero”. Fundo azul, letras con as colors d’a bandiera espanyola, iconografía tipicament faixista. Bi ye sinyau por España 2000. Bi ha un migrant hondurenyo posau frent a ella, ixorrontau. Tien a uellada fincada en l’apegallo. No puet creyer que isto le siga pasando. Fa pocas horas saliba de treballar como cada diya. Diez horas treballando en uns apartamentos turisticos en o Barri Gòtic de lunes a domingo, sin papels, sin contrato, sin dreito a queixa. S’endrezaba t’o metro quan se l’han amanau dos hombres. L’han preguntau d’an veniba y si teneba permiso de residencia. Les ha explicau que tenió papels, pero los trebastió quan o suyo chefe no le querió esbiellar l’achuste y no podió conducir os seis meses que desiche a lei t’a esbiellar-lo. Ta quan ha parau cuenta de que yeran policías yera masiau tardi.
Nunca no pensó que isto le pasaría a él; él no se mete en emboliques. S’amuga a ir de casa suya t’o treballo y d’o treballo ta casa suya. No le queda tiempo ta guaire más. Os suyos pensamientos son crebraus por un tercer achent, posau frent a él en ixe estudiet. Ye un poquet mayor que no los anteriors, l’apegallo xenofobo acucuta chusto sobre a suya cabeza. Los españoles primero. O madero l’explica con galbana que a partir d’iste inte tien una orden ta fer-lo fuera, que pasará una nueit más en a comisaría y a o diya venient estará meso a disposición chudicial porque a Policía va a demandar que siga internau en o CIE (Centro d’Internamiento de Foranos) de Zona Franca.
Isto no ye un relato literario; ye un feito reyal. Un qualsiquier dentre as milentas posibles. Iste estudiet ye a oficina d’a “Colla de proposas” d’a Brigada Provincial de Extranjería de la Policía Nacional, en Via Laietana. Son os encargaus de montar as redadas ta detener migrants sin papels, con l’obchetivo de fer-los fuera.
Os controls d’dentidat, inveyibles t’os blancos con papels, son presents en a vida cutiana d’as personas migrants. Fan que a muga siga por totz os cabos, a todas horas. Os migrants no pueden deixar de vivir en a muga. As redadas son l’empecipiallo d’una rota que consiste en estar deteniu, estar internau en un CIE y estar forachitau t’o país d’orichen. Salir d’o metro en determinadas garas suposa un periglo de deportación parellano a o brinco d’a cleta de Ceuta.
A primavera pasada, o Red de Apoyo del Ferrocarril Clandestino de Madrid reyalizó un estudio de documentación sobre as actuacions policials de control, identificación y detención en a bastida d’o que as institucions claman como “luita contra la inmigración ilegal”. Constatón que a policía desembolica identificacions aleyatorias ta prevenir u privar un delito, lo que en reyalidat son controls planificaus. Identificacions trigadas seguntes os rasgos fisicos tot reyalizando actividatz d’a vida cutiana, quan ye imposible vinclar ixa actividat a denguna paración u comisión de delito, falta u infracción.
Bellas personas con papels recentón que les demandan terne que terne os papels quan circulan tranquilament por a carrera, 2 u 3 vegadas en un mesmo diya, lo que atribuyen a os suyos rasgos fisicos “esferents”. En un caso una persona describió que en soque un diya le’n demandón 6 vegadas. Ye platero a partir d’a información recullida que a Policía fa una triga racial baixo a presión d’os criterios de “eficacia” en terminos numericos. Como ocurrió, por eixemplo, o 14 de chenero de 2009 quan a policía deseparó a una colla d’amigos, dos mesachas blancas y dos hombres negros que petenaban chuntos por a carrera, ta demanar-les a documentación nomás que a las personas negras que, a tamás d’acreditar a suya identidat, estión trasladadas ta comisaría y mesas en libertat a las 5 horas y 6 horas.
En Barcelona a situación ye igual, pero con una peculiaridat. Dende l’estendille d’os Mossos d’Esquadra, en Catalunya la Policía Nacional nomás tien competencias en materias d’extranchería y anti-terrorismo. A tamás d’a retorica ecosocialista de conseller Saura (ICV-IU), con a suya policía “al servei del ciutada per donar suport als més febles, a les persones que es troben en situacions de major vulnerabilitat” os Mossos fan parti activament en operacions policials con criterios racistas.
Ista anyada 2010 se fan 20 anyadas dende o naiximiento d’o Colectivo Pedalea. Igual como todas anyadas a primera semana de mayo aculle a Semana d’a Bici, ista anyada en a suya 20ena edición; y como no, una anyada más no puetz faltar-ie.
En l’esvenidero a chent preguntará: y tu an yeras en o XX Cabo d’anyo d’o Colectivo Pedalea?, tos n’alcordatz d’ixa inolvidable semana d’a bici de 2010?
No te va a quedar atra alternativa que ir-ie a vivir-la, te i asperamos co!
Programa XX Semana d’a Bici
- Chueves 6 de mayo, 18:30h
Performance “Puya t’o tren con a tuya bici”
Puesto: Plaza d’Espanya - Viernes 7 de mayo, 20:30h
Charrada, rufierta “Movilidat en bici por a ciudat”
Puesto: Siede d’ANSAR
Adreza: C/ Armisén nº10 (Bico de Sant Chusé) - Sabado 8 de mayo, 21 h
FIESTA PEDALEA EN A VIA LACTEA
DELIRIUM TREMENS + CONVIDAUS
C/ Doctor Palomar nº 25 (bico d’a Madalena) - Sabado 8 de mayo (de maitins)
II FERIA D’A BICICLETA
10 – 13 h Mercadet de material ciclista. Merca, vende, cambia.
13 h Curso de mecanica d’a bici
16-20 h Chuegos en bici: Gran campionato Pedalea (Bike Polo, Goldsprint, corrida de lentos, habilidat.. bi habrá premios)
Puesto: Frontón d’o Campus Universitario Sant Francho - Domingo 16 de mayo, 11h (Para cuenta! somos en a semana venient)
III Bicicletada escolar y chuegos
Puesto: Plaza d’o Pilar
Ciclo de cine “A Bicicleta en o 7eno arte”
Diyas 7, 8 y 9 de Mayo
Café Desafinado (C/ Antonio María Claret)
- Viernes 7 de mayo, 18h
“Las trillizas de Belleville” - Sabado 8 de mayo, 18h
“Jour de fête” - Domingo 9 de mayo, 18h
“La bici de Ghislin Lambert”
COLECTIVO PEDALEA
www.pedalea.org
Filed under: Radio Topo, Sozial | Etiquetes: 1 mayo, Radio Topo, Socalce, Vermut
1º de Mayo 2010
Coso baixo nº 182, solar nº 11 (frent a l’IES Pedro de Luna)
Dende as 12.00 horas
Socalce obrero y popular. 17 anyadas luitando por a comunicacion horizontal
Conciertos, puestos de colectivos, mercadet cultural, radio en directo, teyatro en aragones, socalce y asinas asinas.
¿Por qué femos iste socalce?
Radio Topo leva 17 anyadas acompanyando a os/las ciudadan@s y colectivos d’a nuestra ciudat, y dando voz a a las suyas inquetutz, compromisos y reivindicacions. Anyadas que son estadas tamien de luita por a reconoixedura d’o nuestro dreito alazetal a la libertat d’expresión.
Dimpués de más de 30 anyadas de pervivencia en a muga de l’“alegalidat”, as Radios Libres de l’Estau espanyol tenemos agora la posibilidat de viyer reconoixiu o nuestro quefer como meyo d’expresión libre y directo, esferenciau igual d’os meyos institucionals como d’as interpresas privadas de comunicación.
A nueva Lei Cheneral d’a Comunicación Audiovisual creya una bastida legal que reconoix os meyos de comunicación de caracter no lucrativo pero que han de desenvolicar as Comunidatz Autonomas. Ista ye una qüestion que, prou que no han refleixada os mass-media en as suyas informacions sobre ista lei, más alticamaus por os minutos de publicidat que les permitiba u por a posibilidat de fusions meyaticas.
As Cortz d’Aragón tamién plegan d’aprebar una Proposición No de Lei puixando a o Gubierno d’Aragón a regularizar as Radios Libres, a incluyir-las en a venidera Lei Audiovisual aragonesa y, lo más important, a escuitar antes as suyas proposas.
Por isto demandamos que o Gubierno d’Aragón cumpla con a suya responsabilidat y desenvolique antes con antes, y con participación d’os meyos no lucrativos, una Lei Audiovisual aragonesa y una reglamentación especifica que asegure a existencia present y venidera d’as Radios Libres en Aragón.
Ista publicacion ye ta tu. No te conoixco, pero soi quasi seguro de que tiens un telefono mobil en a pocha.
En 15 anyos, o mobil s’ha espardiu por o planeta como garra tecnolochia no lo i heba feito antes. Dica plegar en una situacion absurda: en l’Estau espanyol, igual como en quasi toda Europa, os contratos de telefonia mobil brincan agora o numero d’habitadors/eras.
O control social se ye tornando cada vegada mas fosco, embolicau y integrau. Cuala ye a tecnolochia de control mas eficaz, a tele u as camaras de vidio-veixilancia? Con o mobil plegamos en a combinacion ideyal dentre o Big Brother d’Orwell y a sociedat de comunicacion capitalista. Ista sosmision voluntaria tan gran y a dependencia que embreca a una ferramienta desembolicada y promocionada por o sistema nos leva a qüestionar bellas cosas.
Frent a ista situacion, as personas y collas alticamadas por a suya privacidat, as suyas libertatz individuals u menazadas por a veixilancia policial, se’n fan d’as posibilidatz tecnicas de control a travies d’o mobil. A historia nos contrimuestra que si en atras situacions os poderosos hesen teniu as ferramientas tecnolochicas actuals ta veixilar a la suya poblacion, pocas d’as dianas d’a represion (por conviccion, orichen, sensibilidat u por a suya practica) s’hesen puestas eslampar. Nusatr×s mesm×s, a travies de luitas ecolochistas u vecinals, de refirme a migrants u sencillament por ligar-nos con personas embrecadas en ixos movimientos, en Barcelona u en atros cabos d’Europa, hemos visto como a policia puet, baixo a sincusa d’a seguridat, violar a intimidat de ciudadan×s fogueretas, fichar a disidents politicos, sosmeter a o suyo control a colectivos de tot… A parti mas violenta d’ixa lochica puet estar a espardidura, dende o 11 de septiembre, d’o marco antiterrorista plegando por eixemplo en detencions de militants por espardir panfletos en Francia, publicar un diyario critico en euskera, ubrir una pachina d’informacion Twitter en os Estaus Unius y una luenguisma lista d’abusos. En iste contexto, desembolicar ideyas diverchents y expresar-las puet tornar-nos en sospeitos×s.
Fendo Orella 101.8 FM 