Estimadas amigas y amigos,
AraInfo, ista Achencia de Noticias d’Aragón que nos inventamos fa un parell d’anyos u asinas, tien una buena noticia que dar-tos.
As nueu “loquicuerdas” que formamos o consello redautor d’AraInfo queremos celebrar con as nuestras colaboradoras, amigos y colectivos cercanos que evolucionamos ent’a nuestra propia portalada de noticias: http://www.arainfo.org
A luna nueva d’o 26 d’octubre de 2011 nos trahie un nuevo ciclo ta AraInfo, que deseyamos compartir con totz/as vusatros/as. Ista nueit ye a trigada ta lanzar a o mundo iste nuevo espacio ta las luitas populars aragonesas.
En http://www.arainfo.org publicaremos os nuestros propios contenius, en a linia que hemos caminau dende a nuestra naixencia como colectivo. Escribiremos cronicas, feremos seguimientos “menuto a menuto” a acontecimientos d’especial relevancia, aportaremos a nuestra particular opinión sobre os feitos cutianos, fotografiaremos o que succeda a o nuestro arredol, editaremos vidios ta dar movimiento a os movimientos,… tot ixo, como dica agora, con a vuestra aduya.
Veyeretz que en a pachina web ordinaremos os contenius en esferents espacios, ta facilitar l’acceso a las informacions, entre os que destacamos l’apartau d’opinión. Iste espacio ye o nuestro puesto y tamién o vuestro. Queremos publicar as vuestras propias opinions, sinyadas a titol personal u como colectivos. Ta ixo, tos demandamos que nos escribatz a o nuestro nuevo correu electronico, correchiu dimpués d’a nueva grafía de l’aragonés: achencia@arainfo.org y dende astí nusatras nos encargaremos de publicar os vuestros textos. Amás d’ista adreza común, disposaremos de correus especificos ta cada sección, de cara a facilitar a comunicación entre nusatras.
Ta rematar, tos abanzamos que a portalada naixerá sin publicidat. Si bien mas entabant, quan concretemos as nuestras necesidatz de financiación y o volumen de visitas con que i contamos, planteyaremos modulos de publicidat ta colectivos y interpresas d’a economía social y afins. Ya iremos charrando.
En ista nueva etapa, as personas d’AraInfo queremos saludar efusivament a las nuestras companyeras y companyers d’os meyos contrainformativos y comunitarios, a las organizacions d’abaixo y a la cucha y a todas as personas que somos teixindo as alternativas a o capitalismo.
Un fuerte acarrazo
Consello de redaución d’AraInfo
Achencia de Noticias d’Aragón
Filed under: Aragon, Internacional, Internacionalismo | Etiquetes: 23 abril, Aragon, Castiella, Nación Andaluza
Dende Nación Andaluza querríanos fer plegar un saludo a os pueblos treballadors castellano y aragonés en os suyos respectivos días nacionals, igual como ninviar-les a nuestra solidaridat y refirme, más que más ta las organizacions politicas y os colectivos socials d’os movimientos populars castellano y aragonés, en a suyas barallas por o reconoiximiento y a recuperación d’os dreitos y libertatz d’os suyos pueblos.
Aragoneses, castellans y andaluces somos tres d’os pueblos peninsulars que más fundament hemos patiu as conseqüencias de l’imperialismo espanyolista, eixe ideolochico d’a nobleza y a gran burguesía peninsular. L’Andalucía resistent ye conscient de que Castiella y Aragón han patiu, amás, o resultau d’estar os territorios feitos servir como alazetz de l’expansionismo colonial y imperialista espanyol, d’o que istas nacions y os suyos pueblos treballadors no son estaus empentadors ni beneficiarios sino, por o contrario, como Andalucía y o Pueblo Treballador Andaluz, as suyas victimas. Castellans, aragoneses y andaluces somos pueblos treballadors chermans, en luita contra Espanya y o Capital, por a suya libertat colectiva y contra la explotación social.
Os andaluces y as andaluzas con conciencia nacional y de clase, nos solidarizamos y refirmamos as reivindicacions de todas as nacions oprimidas por l’espanyolismo porque sabemos prou bien lo que ye padeixer as conseqüencias politicas, economicas y socials d’a ocupación: a negación como pueblo y por tant d’os nuestros dreitos, a explotación, malfurrie de recursos, amague d’o nuestro pasau, manipoliación d’a nuestra identidat y cultura y asinas asinas, por parte d’as suyas estructuras estatals dende fa sieglos. Por ixo valoramos a importancia de todas as luitas de liberación d’os pueblos baixo yugo espanyol y as replegamos como parti d’a nuestra.
Por Chulia Barrau.
Escribo isto horas antes que no prencipie o zaguer partiu d’o mundial, quan encara las ciudatz son plenas de sinyals espanyols por bars, botigas y finestras. Quan millons de personas que han puesto fuyir d’ixa vida suya plena de miserias visten as chambretas oficials, pelucas u qualsiquier catatico con as colors nacionals.
Muitas cosas bullen por a mia cabeza. Malas que prencipió lo mundial un puyal de sentimientos, reflexions y ideyas me sulsiban por dentro. Dimpués de concarar-me con ellas y con a dificultat d’expresar-las, en he replegau un sinyalín que m’aganaba de compartir.
No me’n foi por qui ganará la final, ni por qui la perderá. Escribo isto dende l’anvista cheneral que me da la neutralidat, quan encara no ha prencipiau o partiu. Espanya u Holanda plenarán en un par d’horetas as suyas carreras y plazas de chilos de celebración. Con tot y con ixo maitín, lunes, qui encara tienga treballo habrá d’ir-ie. Qui no’n tienga, qualsiquiera d’ixas 4 millons de personas en l’ature, habrán de tornar a concarar-se con a fosca reyalidat.
Bi ha a-saber-lo qüestions d’as que caldría charrar ta contextualizar iste texto: a situación politica y economica en Surafrica, a situación economica y politica en l’Estau, y a situación politica y economica mundial.
L’esviellau “pan y circo” arriva, sieglos dimpués, en traza de mundial. De colors royo y oro. Y totz con l’imperio. Ave Cesar. Totz baixo lo sinyal espanyol, o sinyal d’os no nacionalistas. Cada vegada menos pan pero más circo.
Espanya se fa con os gols d’a selección y as portaladas d’os periodicos, con a TV y o merchandising patrio. Espanya ye un feble chigant que se mira de fer garras sobre uns nuevos alazetz, ni echercito, ni luenga, ni cultura, ni historia: l’esporte.
Huei que as carreras son plenas de sinyals espanyols. Huei que o patriotismo tot lo imple. Huei que l’espanyolismo ye puyau t’a suya tuca baixa la guardia y se nos amuestra espullau, y ye quan menos miedo ha de fer-nos.
Cómo puet fer-nos miedo un pueblo hipnotizau por a maquinaria meyatica, capable d’aturar-se de tot ta mirar-se a un pulpo profetizar o ganador d’o mundial?
Encara no ha prencipau a final pero ya totz se miran o previo d’o partiu. O pulpo Paul profetizó que a ganadera estaría Espanya, pero ni ella ni Holanda han feito un gol encara. Prou que no son buenos intes, pero antes que no prencipie o partiu veigo lo resultau platero: plegará o nuestro inte, o futuro no ye d’ells.
Filed under: Aragon, Luenga | Etiquetes: Aragon, chornadas, Luengas, nogará
[Lunes 14 d’Abril]
Prochectos economicos y luengas minoritarias
Prames, Chelats Sarrate (Alcampell) y Idiarte (empentadors de l’Onso Nabar)
[Chuebes 17 d’Abril]
As luengas minoritarios y o turismo. O caso de l’aragonés
Gemma Fondevila (Centro de Interpretación de lo Megalitismo Pirenaica y de la Val d’Echo) y David Bielsa (Casa de Turismo Rural Luzía y alcalde de Chistén)
[Biernes 18 d’abri]
Lenguas, dialectos, hablas y nacionalismo lingüistico
Juan Carlos Moreno Cabrera (Catedrático de Lingüística General de la Universidad Autónoma de Madrid)
[Sabado 19 d’abril]
Clases d’aragonés en a carrera
A situazión d’o belsetán y o chistabín
[Puesto y ora]
Todas as charradas serán a las 19.00 oras en o Centro Joaquín Roncal (c/San Braulio, 5-7), fuera d’as Clases d’aragonés en a carrera que serán en a Plaza San Bruno a las 12.00.
[Organiza]
Asoziazión Cultural Nogará
www.nogara-religada.org
Filed under: Aragon, Internazionalismo | Etiquetes: Alfamén, Aragon, Colombia, ELN, Huellas de Barro, Mallacán, Manuel Pérez, Visión Tunel
[Carta de Manuel Pérez]
Me trobo goyoso y muito chuniu a iste pueblo con qui emos dau a nuestra bida, a nuestra sangre y os nuestros ideyals. Treballo tot lo que puedo ta que enante a luita. Soi cada begada más combenziu d’o triunfo d’un pueblo que luita dica la muerte. Bi’n ha de dificultaz, pero todas se’n pueden benzer terne que terne, con boluntat de fierro y aimor ta un pueblo que luita.
Filed under: Aragon, Luenga | Etiquetes: Aragó, Aragon, Catalá, Catalán, Fraga
O zaguer Miercols 12 de Ferbrero se fazió entrega d’os diplomas d’o ran B de Catalán.
A Directora Cheneral de Politica Educatiba Carmen Martínez Urtasun, presidió de tardis en Fraga l’acto ofizial d’entrega de diplomas d’o Ran B de catalán a os alumnos/as de diferens zentros de Secundaria d’as comarcarcas de l’Aragón Oriental. Un total de 186 alumnos d’os IES Bajo Cinca y Ramón J. Sender de Fraga, d’a seczión d’o IES Bajo Cinca de Fraga en Mequinenza, d’o IES La Llitera de Tamarite y d’o Colegio Santa Ana de Fraga, han obteniu o zertificau d’o Ran B de Catalán por aber cursau y aprebau l’asignatura de Luenga catalana a lo largo de toda la Educazión Secundaria Obligatoria y, como menimo, en cuatro cursos d’a Educazión Primaria. Ye a primer promozión que ha superau istos requisitos que podrán obtener o titol de Ran B de Catalán, sin que les calga fer unatro examen complementario, d’alcuerdo con o combenio que siñón en l’añada 2003, a D.Ch.A., que expide o titol, y a Generalitat, que lo combalida en l’inte.
Filed under: Aragon, Cultura, Luenga, Papels | Etiquetes: Almacellas, Almacelles, Aragon, Catalá, Catalán, Fraga, Luengas, Segre
[27/01/2008 EL PERIÓDICO]
Una carta d’o Conzello d’Almacelles, en a probinzia de Lerida, t’o de Fraga ha feito rebiscolar a polemica dentre istos conzellos por l’emplego d’o catalán en a francha oriental d’Aragón.
L’orichen d’ista nueba rufierta estió una carta que nimbió lo consistorio d’Almacelles t’o fragatino ta comunicar a incorporazión t’o suyo padrón munizipal d’una bezina d’a capital d’a Baxa Zinca. O problema ye que a demanda ta que iste fese tramitar a baxa yera feita sólo que en catalán, bella cosa que fazió tornar a carta con una breu nota.
Continua llegint
Fendo Orella 101.8 FM 