Fendo Orella 101.8 FM


Fendo Orella entre capitalismo, luengas, ateísmo, chiflos y salterios

O zaguer programa vinió calient charrando de l’aumento d’a represión policial en as zagueras semanas en Aragón y a resta de l’Estau, amás de charrar-tos una mica de capitalismo, ixa parola que pareixe que siga viedada de decir en os medios de comunicación y en a carrera.

Nos visitó un convidau que nos charró sobre a I Trobada de Salterio y Chiflo en Lasaosa o venient sabado 25, que chirará arredol d’istos dos instrumentos tradicionals.

Tos trahiemos as novedatz d’as luengas d’Aragón y atras luengas minorizadas, diemos a bienplegada a una nueva radio libre, Radio Pirineo en o 102.8 FM de Uesca, y nos visitó Barrenau, que en a suya sección nos charró d’ateísmo recomendando bells libros y autors asinas como vidios arredol d’iste tema.

Ta rematar o programa en o que sonó mosica fura y combativa, a canta traducida de Gen, “UAPO”.

Aquí puetz ascuitar o programa.

Nos “viyemos” a semana venient, en Radio Topo, 101.8 FM Zaragoza, lunes de 22 a 23 h.

 



Fendo Orella 15/04/2013
Abril 19, 2013, 4:00 pm
Filed under: Fendo Orella | Etiquetes: , , , ,

consUn lunes más teniemos en o cado d’o tabonero a Barrenau, que nos comentó un video divulgativo de l’asignatura de relichión que ha feito a Ilesia Catolica ta empentar ista materia.

Como siempre, tos trayemos l’actualidat más rusient, y amás tos leyemos un articlo sobre o Consello d’Aragón con enchaquia d’o cabo d’anyo d’a proclamación d’a II Republica.

A canta traducida estió Aquarela de Toquinho y Vinicius.

Podetz sentir o programa punchando aquí.



FENDO ORELLA 18/03/2013 BARRENAU & BERGOGLIO
Març 19, 2013, 2:49 pm
Filed under: Fendo Orella | Etiquetes: , , , , , ,

papa_francisco_maradona_620x347En iste zaguer programa, amás de trayer-tos l’actualidat d’a semana, Barrenau nos contó bellas curiosidatz sobre José María Bergoglio, recientement esleixiu Papa por a Ilesia Catolica.

Tamién tos charremos d’a nueva normativa que obliga a las ciclistas urbanas a circular con o casco y tos convidemos a una borina que se celebrará iste viernes en a sala Arrebato ta celebrar o punto y final d’o “Cuando el Ebro Suena… disidencia lleva” que remata con a donación d’a recaudación ta l’A.V.V. Arrebato y Radio Topo.

Podiemos ascuitar a canta que a colla de rap Huellas de Barro gravó t’o Cuando el Ebro suena… y ta despedir-nos traduciemos a canta Escapando d’a colla archentina RDA Rapsodia.

Puedes sentir o programa aquí: https://archive.org/details/fendoorella16032013



Fendo Orella 18/02/2013 – XIV Premios d’a mosica aragonesa

En iste programa una parte  d’os nuestros companyers se’n fue t’os XIV Premios d’a mosica aragonesa ta dar-nos-ne treslau en o programa sobre o sucediu astí.

Tos charremos d’atra gala, ista d’os Premios Goya, y tamién d’un articlo sobre indiferencia. Nos ne fuemos enta l’actualidat d’ista pasada semana, con as movilizacions d’a PAH, novedatz y actividatz de Radio Topo y de nuevas tos charremos de Yesa.

Barrenau nos trahió en a suya sección aimors homosexuals en os comics, y de convocatorias, tos ne faciemos alcordanza d’a venient movilización d’o 23F y a posible cobertura d’a mesma por parte de Radio Topo.

Ta rematar, a canta traducida, “Chaos”, d’a colla zaragozana Noise & Oi! en remeranza d’uns feitos acayeixius en o bar d’o mesmo nombre d’a carrera Heroísmo un 15 de febrero de 2003.

Tornaremos t’as ondas a venient semana, o lunes de 22 a 23 h. en Radio Topo, 101.8 FM zaragozana.



Fendo Orella 03/12/2012
Desembre 4, 2012, 9:11 am
Filed under: Fendo Orella | Etiquetes: , , ,

parrilla

Uiteno programa d’ista temporada 2012/13

Quasi sin tiempo ta descansar-nos y encara escamallaus mentalment por a emision d’estrela a estrela (2) d’o pasau sabado, teniemos un programa mas difuso que por un regular con muitas risas y fateras.

Prencipiemos deixando as nuestras impresions chenerals sobre as 15 horas d’emision de tot en aragones que se facio en Radio Topo o pasau sabado. D’estrela a estrela (2) estio un exito de tot, norabuena a totz y todas as participants!

Feba un mes que no tenebanos a Barrenau en o programa y nos trayo tot o que heba replegau mientres iste tiempo d’o cristianamen, entre o facherio y o bizarrismo. Una seccion muit treballada acompanyada por una canta d’Il Cuesco.

Mosiqueta variada en tot o programa, tot pepinos cullius de l’hortal como lo definio o companyero.

Y ta rematar un programa como iste yera menester traducir una canta canyera, en traduciemos Salgo a la calle d’a colla Elektroduendes.