Fendo Orella 101.8 FM


Con MullersYCordials, iste 8 de chinero
gener 9, 2015, 2:38 pm
Filed under: Fendo Orella | Etiquetes: , , ,

mullersycordials

Iste 8 de chinero hemos contau con a presencia de MullersYCordials, un magazine feminista feito de raso en aragonés, que en breus ferá a suya primera anyada, en habendo quitau cinco numers. Un programa que no tos hetz de perder! Las podetz seguir en o facebook ‘Mullers YCordials’ y en o twitter ‘@MYCfanzine’. Tamién hemos feito un chicot homenache a Charlie Hebdo.

https://archive.org/embed/FendoOrella.08.01.2015

Fendo Orella, en Radio Tabonero (Radio Topo), os chueves de 18:30 a 19:30 en o 101.8 FM de Zaragoza.



Programa d’o 18 d’aviento: os problemas d’a despoblación
Desembre 24, 2014, 7:50 pm
Filed under: Cheografía, Cultura, Ecolochía, Fendo Orella | Etiquetes:

sierra_de_albarracin-7085

I puyamos o programa d’o chueves pasau 18 d’aviento, anque comentemos bella noticia graciosa y a nuestra presentadora estrela nos charró d’os problemas de despoblación en a serranía de Cuenca y Teruel, asinas como os problemas ecolochicos que chenera.

https://archive.org/details/18.12.2014.FO

Totz os chueves dende as 18:30 dica as 19:00, Fendo Orella, programa de radio en aragonés feito en RadioTopo, 101.8FM.

Ista semana fablaremos d’o nadal en Manchester y Anglaterra, asinas como de costumbres y noticias de Manchester y o Reuno Uniu en venir un viello conoixiu de propio!



Una de cheografía y l’aragonés
Novembre 25, 2014, 4:45 pm
Filed under: Cheografía, Fendo Orella, Luenga | Etiquetes:

111_1_o

En o programa d’o 12 de noviembre, contemos con Carla, una cheografa fablant d’aragonés que nos charra de cómo vive ella l’aragonés, a cheografía y d’as anvistas d’esdevenidero que como chovena troba.

Ya sabetz! Nos podetz ascuitar aquí u, en directo, os chueves de 18:30 ta 19:30 en RadioTopo (101.8 FM – Zaragoza)

Ascuita aquí o programa



Tornamos esviellaus y con nuevo horario
Octubre 11, 2012, 7:30 am
Filed under: Fendo Orella | Etiquetes: , ,

A boira no deixa viyer as estrelas. Uellos. Neons. Cacegaus en o bell meyo d’a ciudat infierno. Acubillaus baixo tierra en o nuestro cado, a resguardo d’a fredor d’o cierzo. Orellas. Sirenas. Troba l’esconderite nuestro. Truca con os tuyos artiellos, a puerta ye ubierta. Parolas. Mosicas. Una horeta semanal d’actualidat y barucas de raso en aragones. Ubre os oius. Fe orella.

Una anyada mas nos esviellamos y tornamos t’as emisions con nuevas voces, nuevas seccions, nuevos colaboradors, nueva sintonia y nuevo horario. Ascuita-nos os lunes de 22 a 23 horas en Radio Topo 101.8 FM



Programa 03.11.2011
Novembre 4, 2011, 12:16 pm
Filed under: Fendo Orella, Radio Topo | Etiquetes: ,

Huei, ta prencipiar, en ista grisa y trista tardi d’agüerro, nomás que tres parolas, de Fendo Orella ta un amigo y companyero d’ista emisora: salut, anarquía y marcha.

Baixa y ascuita o nuestro zaguer programa:

Emitimos como siempre en o 101.8 FM de Radio Topo, totz os chueves de 18.00 a 19.00 horas.



Femos casamuda! Nuevo horario d’emisión
Octubre 4, 2011, 8:05 am
Filed under: Fendo Orella, Radio Topo | Etiquetes: ,

Fendo Orella continamos una anyada más, semana par d’atra, fendo un repaso a l’actualidat social de raso en aragonés. Como siempre, todas as luitas que cullen en una luenga. Como siempre dende as ondas libres de Radio Topo 101.8 FM

Pero tenemos una novedat: tenemos nuevo horario!

D’agora enta debant, dende o venient chueves 13 d’octobre, nos ascuitamos totz os chueves de 18.00 a 19.00 horas.



Programa 03.10.2011
Octubre 4, 2011, 7:26 am
Filed under: Fendo Orella, Radio Topo | Etiquetes: ,

Celebración de l’amistat

En os vicos de La Habana le dicen a l’amigo “a mía tierra” u “a mía sangre”.

En Caracas, l’amigo ye “o mío pana” u “a mía clau”: “pana”, por panadería, a fuent d’o buen pan ta las fambres de l’anima; y “clau” por…

-Clau, por clau – me diz Mario Benedetti.

Y me recenta que quan viviba en Buenos Aires, en os tiempos d’a terror, ell levaba cinco claus d’otri en o suyo alzaclaus: cinco claus, de cinco casas, de cinco amigos: as claus que lo salvón.

Eduardo Galeano

Baixa y ascuita o nuestro zaguer programa:

Emitimos como siempre en o 101.8 FM de Radio Topo, agora con nuevo horario: totz os chueves de 18.00 a 19.00 horas.



Programa 26.09.2011
Setembre 27, 2011, 9:03 am
Filed under: Fendo Orella, Radio Topo | Etiquetes: ,

Suenian as pulces con mercar-se un can y suenian os denguns con salir de pobres, que bell machico diya pleva de sopetón a buena suerte, que acantalie a buena suerte; pero a buena suerte no pleve ahiere, ni hue, ni maitín, ni nunca, ni plebisniando caye d’o cielo a buena suerte, por muito que os denguns la clamen y encara que les pique a man cucha, u se devanten con o piet dreito, u prencipien l’anyo cambiando d’escoba.
Os denguns: os fillos d’os denguns, os amos de cosa.
Os denguns: os denguns, os denguneyaus, correndo a llebre, morindo a vida, hibaus, rehibaus:
Que no son, encara que sigan.
Que no charran idiomas, soque dialectos.
Que no profesan relichions, soque supersticions.
Que no fan arte, soque artesanía.
Que no practican cultura, soque folklore.
Que no son sers humanos, soque recursos humanos.
Que no tienen cara, soque brazos.
Que no tienen nombre, soque numero.
Que no figuran en a historia universal, soque en a cronica roya d’a prensa local.
Os denguns, que cuestan menos que a bala que los mata.

Eduardo Galeano

Baixa y ascuita o nuestro zaguer programa:

Continamos emitindo totz os lunes de 18.00 a 19.00 horas, ascuitanos en o 101.8 FM de Radio Topo u por internet.



Programas 12 y 19 de septiembre 2011
Setembre 19, 2011, 6:05 pm
Filed under: Fendo Orella, Radio Topo | Etiquetes: ,

Pedro Algorta, abvogau, m’amostró o recio expedient de l’asasinato de dos mullers. O doble crimen heba estau a cutiello, rematando l’anyada 1982, en un suburbio de Montevideo. L’acusada, Alma Di Agosto, heba confesau. Levaba presa más d’una anyada; y pareixeba condenada a podrir-se ta cutio en a garchola.

Seguntes o costumbre, os policías la heban violada y la heban torturada. En un mes a pur de palizas, l’heban quitau bellas confesions. As confesions d’Alma Di Agosto no se pareixeban guaire entre sí, como si ella hese cometiu l’asasinato de muit esferents trazas. En cada confesión bi heba personaches esferents, pantasmas sin nombre ni domicilio, porque a picana electrica torna a qualsiquiera en fecundo novelista; y en totz os casos l’autora amostraba tener l’achilidat d’una atleta olimpica, os musclos d’una cerenya de feria y a destreza d’una matarife profesional. Pero lo que más trucaba o ficacio yera o burguil de detalles: en cada confesión, l’acusada describiba con precisión milimetrica ropas, chestos, scenarios, situacions, obchectos…

Alma Di Agosto yera ciega.

Os suyos vecins, que la conoixeban y la quereban, yeran convencius de que ella yera culpable:
— ¿Por qué? —preguntó l’abvogau.
— Porque lo dicen os diarios.
— Pero los diarios mienten —dició l’abvogau.
— Ye que tamién lo diz a radio —explicón os vecins—. ¡Y a tele!

Eduardo Galeano

Baixa y ascuita os nuestros zaguers programas, os primers dimpués d’o verano, en o venient vinclo:

Continamos emitindo totz os lunes de 18.00 a 19.00 horas, ascuitanos en o 101.8 FM de Radio Topo u por internet.



Cronica presentación Historias del Paraíso de Xavi Sarrià

Ahiere chueves 19 de mayo, en o Centro Social-Librería “La Pantera Rossa”, d’a man d’A Enrestida y o programa de Radio Topo “Fendo orella”, se realizó a presentación d’o libro “Historias del Paraíso” en castellano, editau por a editorial Txalaparta y presentau por o suyo autor, Xavi Sarrià.

Dimpués d’a edición orichinal, en catalán, que s’escribió fa uns 2-3 anyos, Txalaparta s’intresó por a suya traducción a o castellano.

Xavi contó que siempre le ha feito goyo d’escribir, encara que prencipió con a mosica, a o canto d’a suya colla, Obrint Pas, que plegan d’editar nuevo disco.

En o libro se i recentan historias (en concreto 22), relacionadas con o que viven con a colla, refleixando o mundo actual. Un mosaico d’historias curtas en esferents países y contextos. O libro se prencipió a escribir en una chira, contando con l’aduya d’a resta d’integrants d’a mesma.

Se tractaba d’escribir historias de países por os que i pasaban, querendo blincar t’a realidat, sin escribir sobre a situación politica, soque entender a realidat d’as personas, meter-se en a suya piel, entender os suyos sentimientos, reflexionar o porqué pasan ixas cosas. O tema d’o paradiso siempre ye present en o libro, refirindo-se a os paradisos personals. Xavi estió contando diversas anecdotas de Venezuela, Bosnia, Finlandia… que son bells d’os países que son citaus en o libro.

As historias s’enreligan unas con atras a traviés de citas, querendo deixar claro dende qué punto de vista ye escrito lo libro. Introducen a las historias, reflexionando arredol d’ellas. A cita mas important, a que ubre y zarra o libro, que i contiene l’esprito d’o mesmo. Tamién comentó que ye muit important fablar en literatura “d’as nuestras cosas”. No estar politicament correcto, amostrando as contradiccions d’a vida.

Ascuita a presentación:

http://www.archive.org/details/PresentacinHistoriasDelParasoDeXaviSarri

Cronica y audio d’os companyers d’AraInfo.