Filed under: Aragon, Cultura, Fendo Orella, Luenga | Etiquetes: A hora Charrante, cados radio, chornadas, mullersycordials, nogará, radio somontano
Hue prencipian as XXII Chornadas d’as Luengas d’Aragón que un anyo más organiza l’Asociación Cultural Nogará-Religada.
Ista tarde prencipian con dos horas de radio en directo que tenemos a placer de fer chunto con Cados Radio, Charradas y Capazos de Radio Somontano, A Hora Charrante y Mullers y Cordials.
O martes se presentará o libro “Historietas d’un lugar de Cinco Villas” con José Arbués (Autor d’o libro) y Chusé Raúl Usón (editor).
O mierques plegará o turno d’as Charradas con José María Satué, mientras que o chueves Diego Colás explicará por qué s’ha de reubrir o Canfranc.
O viernes, Mª José Girón charrará de turismo lingüistico achuntando a neofablants y patrimonials.
O luns 20 Chusé García-Moreno ferá una visita turistica en aragonés por o casco historico zaragozano.
Y ta rematar, o martes 21 en a seu de Nogará se ferá un taste de vins D.O. Carinyena y degustación de quesos O Xortical.
Todas as actividatz prencipian a las 19 h en o Centro Joaquin Roncal (c/ Sant Braulio 5-7), fueras de l’actividat d’o martes 21 que será en a seu de Nogará (Pza Asso, local)
Filed under: Cultura, Fendo Orella, Luenga | Etiquetes: Chorche Pérez, Estrellados, GuinDJ, Softaragones
Ahiere, 9 d’abril, Chorche Pérez se pasó por os Estudeos Centrals de Radio Topo ta charrar-nos de Softaragonés, una iniciativa que leva anyos traducindo Software ta la nuestra luenga ta que podamos fer servir programas como Skype u Gimp en aragonés, asinas como lo Telegram u Mozilla-Firefox, amás d’o traductor online u d’o sintetizador eSpeak.
Precisament, estió iste sintetizador eSpeak qui fació a introducción d’o programa y un d’os programas d’os que más nos charró Chorche.
Tamién contemos con a colaboración de GuinDJ, d’o programa Estrellados, que amás d’aduyar-nos con os mandos y amenizar a charrada con bell temazo, fació posible que iste programa estase trilingüe
Si queretz saber-ne más, no tos perdatz iste programa. Y tos prometemos más colaboracións de Chorche, porque ye claro que una hora no ye prou ta que nos cuente tot lo que sabe.
Ta ascuitar o programa pencha aquí
Filed under: Fendo Orella, Luenga, Radio Topo | Etiquetes: A hora Charrante, Cintas d'Enguero, Doblache
En ista ocasión trayemos t’o cado d’o tabonero a Edu de Cintas d’Enguero, una iniciativa asabelo pincha que ye plenando Youtube de parolas en aragonés.
Edu nos explica qué le levo a doblar dialogos de cintas ta l’aragonés, cómo lo fa y l’exito que ye tenendo, que mesmo José Mota le ye copiando a ideya.
De seguras que tos fa tanto goy iste programa como a iniciativa.
Ta ascuitar o programa pencha aquí
Ta veyer más scenas de Cintas d’Enguero pencha aquí
Filed under: Cultura, Fendo Orella, Luenga | Etiquetes: aragonés, Ca-2 Radio, día d'a luenga materna
O pasau 19 de febrero faciemos un programa especial con motivo d’o Diya d’a Luenga Materna en o que contemos con uns convidaus de luxo: os zagals de Cados Radio!
Lucía, Raquel, Juan y Pablo nos contón cuentos en a suya luenga, nos comentoron qué suposa ta ells que l’aragonés no s’amostre en a escuela y dimpués sus pais facioron a charrada sobre o dificil que ye estar pai aragonesofablant (difícil, sí, pero no imposible!!)
Ah! Y tot amenizau por as suyas cantas favoritas!! No tos podetz perder iste programa, si garra dubda, un d’os millors Fendo Orellas que hetz sentiu nunca!
Ta ascuitar o programa pencha aquí
Filed under: Aragon
Tos dixamos con o programa d’ahiere especial Occitania. Charremos d’a suya historia, d’a suya luenga, d’a suya gastronomía, d’os suyos chuegos y esportes, de curiosidatz como as herechías medievals que se veyen refleixadas en o suyo simbolo, a cruz occitana, metiemos mosica occitana con collas d’o Piamonte, de Marsella, Toulouse, Catalunya… Y ta ixo contemos con a presencia d’o mayestro d’occitano Chuan Carlos Bueno!
Samuel tamién nos comentó as zagueras actualidatz d’a lista Falciani y teniemos una conexión en directo con companyers de Nogará que yeran aprestando o chueves lardero!
Ta ascuitar o programa pencha aquí
Fendo Orella, os chueves de 18:30 a 19:30 en RadioTopo, 101.8FM, Zaragoza.
Retransmisión os viernes de 11:00 a 12:00 en RadioTopo, 101.8FM, Zaragoza
Filed under: Aragon
Tos dixamos con o programa que faciemos ahiere 5 de febrero: especial Rumanía! Charremos d’a historia d’iste país, d’o famoso Draculea, d’o turismo que se i puet fer, metiemos cantas en rumano de toda mena, tot en una veilada muito pincha con un buen conoixedor d’o país y amigo d’o programa, Enrique.
Pencha aquí t’ascuitar o programa
Fendo Orella, os chueves de 18:30 a 19:30 en Radio Topo, 101.8FM – Zaragoza
Retranmisión os viernes de 11:00 a 12:00 en Radio Topo, 101.8 FM – Zaragoza
Filed under: Aragon
En o programa de hue 15 de chinero, hemos charrau de Gaire, a colla mosical en aragonés que o pasau 9 de chinero fació un concierto sobrebueno en a sala Arrebato, ascuitando as suyas cantas. Tamién charramos d’as accions por a luenga asturiana con a campaña #ElCantarDelVasu, as cheras de San Antón, a talla romanica de Sabada que s’ha trobau en una falsa d’a Universidat de Yale, y o mal fer de Cocacola en a fabrica de Fuenlabrada frent a o sobrebuen fer d’a FrixenCola (con nombre en aragonés).
Ta ascuitar o programa puncha aquí.
Fendo Orella, en RadioTopo, 101.8 FM – Zaragoza. Os chueves de 18:30 ta 19:30.
Filed under: Fendo Orella | Etiquetes: Feminismo, Fendo Orella, luenga aragonesa, mullersycordials
Iste 8 de chinero hemos contau con a presencia de MullersYCordials, un magazine feminista feito de raso en aragonés, que en breus ferá a suya primera anyada, en habendo quitau cinco numers. Un programa que no tos hetz de perder! Las podetz seguir en o facebook ‘Mullers YCordials’ y en o twitter ‘@MYCfanzine’. Tamién hemos feito un chicot homenache a Charlie Hebdo.
https://archive.org/embed/FendoOrella.08.01.2015
Fendo Orella, en Radio Tabonero (Radio Topo), os chueves de 18:30 a 19:30 en o 101.8 FM de Zaragoza.
Filed under: Aragon
O diya de nadal continamos con Fendo Orella. Ista vegada charramos de costumbres, nadal y actualidat en Manchester, gracias a que un viello conoixiu d’o programa i ye veniu de propio! Tamién charramos d’os costumbres de nadal de Venezuela, de mosica vasca y comentamos os nuestros plans ta iste nadal.
Pencha aquí ta ascuitar o programa
Fendo Orella, programa de radio en aragonés, os chueves de 18:30 ta 19:30 en RadioTopo, 101.8 FM.
Filed under: Cheografía, Cultura, Ecolochía, Fendo Orella | Etiquetes: Fendo Orella
I puyamos o programa d’o chueves pasau 18 d’aviento, anque comentemos bella noticia graciosa y a nuestra presentadora estrela nos charró d’os problemas de despoblación en a serranía de Cuenca y Teruel, asinas como os problemas ecolochicos que chenera.
https://archive.org/details/18.12.2014.FO
Totz os chueves dende as 18:30 dica as 19:00, Fendo Orella, programa de radio en aragonés feito en RadioTopo, 101.8FM.
Ista semana fablaremos d’o nadal en Manchester y Anglaterra, asinas como de costumbres y noticias de Manchester y o Reuno Uniu en venir un viello conoixiu de propio!
Fendo Orella 101.8 FM 